ମୁମ୍ବାଇ: ଭାରତୀୟ ସୀମିତ ଓଭର ଉପ-ଅଧିନାୟକ ରୋହିତ ଶର୍ମା ଗୁରୁବାର ଏକ ସୁନ୍ଦର ଭିଡିଓ ସେୟାର କରିଛନ୍ତି । ଯେଉଁଥିରେ ସେ ଅନେକ ଥର ବଲକୁ ସୀମାରେଖା ବାହାରାକୁ ପଠାଉଥିବାର ନଜର ଆସୁଛନ୍ତି ।
କୋଭିଡ-19 ମହାମାରୀ ପରେ ମାର୍ଚ୍ଚ ଠାରୁ ସମସ୍ତ କ୍ରିକେଟ କାର୍ଯ୍ୟକଳାପ ସ୍ଥଗିତ ରଖାଯାଇଛି ଏବଂ ସତର୍କତାମୂଳକ ପଦକ୍ଷେପ ଭାବରେ ଖେଳାଳିମାନେ ନିଜ ଘରେ ରହିଛନ୍ତି ।
ଇଣ୍ଡିଆନ ପ୍ରିମିୟର ଲିଗର 13 ତମ ସଂସ୍କରଣରେ ରୋହିତ ଡିଫେଣ୍ଡିଂ ଚାମ୍ପିଆନ ମୁମ୍ବାଇ ଇଣ୍ଡିଆନ୍ସର ନେତୃତ୍ବ ନେବାର ଥିଲା କିନ୍ତୁ କରୋନାଭାଇରସ ଯୋଗୁ ଟୁର୍ଣ୍ଣାମେଣ୍ଟ ମଧ୍ୟ ସ୍ଥଗିତ ରହିଛି ।
ରୋହିତ ସୋସିଆଲ ମିଡିଆରେ କହିଛନ୍ତି ଯେ ସେ ପଡ଼ିଆରେ ଯାଇ ଖେଳିବାକୁ ମିସ କରୁଛି । ଇନଷ୍ଟାଗ୍ରାମରେ ଉଭୟ ଭାରତ ଓ ମୁମ୍ବାଇ ଇଣ୍ଡିଆନ୍ସ ପାଇଁ ସେ ମାରିଥିବା କିଛି ଛକାର ଭିଡିଓ ମଣ୍ଟାଜ ସେୟାର କରି ରୋହିତ କେବଳ ଲେଖିଛନ୍ତି, ‘‘ଏହାକୁ ମନେ ପକାଉଛି’’ ।
ତେବେ ଲକଡାଉନ ସମୟରେ ସୋସିଆଲ ମିଡିଆରେ ବେଶ ଆକ୍ଟିଭ ରହୁଛନ୍ତି ରୋହିତ । ଭିନ୍ନ ଭିନ୍ନ ଖେଳାଳିଙ୍କ ସହ ଇନଷ୍ଟାଗ୍ରାମ ଚାଟ କରିବା ସହ ଅନେକ ଫଟୋ ଭିଡିଓ ମଧ୍ୟ ସେୟାର କରୁଛନ୍ତି ।
ଏହାସହ ରୋହିତ ଓସନ ଡେ ବା ସମୁଦ୍ର ଦିବସ, ଓ ବିଶ୍ବ ପରିବେଶ ଦିବସରେ ମଧ୍ୟ ପ୍ରକୃତି ପ୍ରତି ଲୋକଙ୍କୁ ସଚେତନ କରିବା ପାଇଁ ବିଭିନ୍ନ ପୋଷ୍ଟ କରିଥିଲେ ।
@IANS
