ମୋହାଲି: ମଧ୍ୟଭାଗରେ ପହଁଚିସାରିଛି ଆଇପିଏଲର ଚଳିତ ସଂସ୍କରଣ । ଆଜି ଖେଳାଯାଉଛି 32 ନମ୍ବର ମ୍ୟାଚ। ସାମ୍ନାସାମ୍ନି ହୋଇଛନ୍ତି ରାଜସ୍ଥାନ ରୟାଲ୍ସ ଓ କିଙ୍ଗ ଏକାଦଶ ପଞ୍ଜାବ। ଏପଟେ 4ଟି ବିଜୟ ସହ ପଏଣ୍ଟ ଟେବୁଲର 4 ନମ୍ବର ସ୍ଥାନରେ ପଞ୍ଜାବ ରହିଛି।
ମାତ୍ର ରାଜସ୍ଥାନ ତାର ଶେଷ ମ୍ୟାଚରେ ମୁମ୍ବାଇକୁ ତାର ହୋମ ଗ୍ରାଉଣ୍ଡ ୱାଙ୍ଖଡେର ମାତ ଦେଇଥିଲା। ଯେତେବେଳେ କି ପଞ୍ଜାବ ନିଜର ଶେଷ ମ୍ୟାଚକୁ ନିଜ ହୋମ ଗ୍ରାଉଣ୍ଡରେ ଆରସିବି ଠାରୁ ହାରି ଯାଇଛି । ତେବେ ଚଳିତ ସିଜିନରେ ଆରସିବି ସେହି ଟିମ, ଯିଏ ନିଜର ପ୍ରଥମ ବିଜୟ ପାଞ୍ଜାବ ବିପକ୍ଷରେ ପାଇଛି । ଅନ୍ୟପଟେ ରାଜସ୍ଥାନ ଏବଂ ପଞ୍ଜାବ ମଧ୍ୟରେ ଖେଳାଯାଇଥିବା ଶେଷ ମ୍ୟାଚ ଥିଲା ବେଶ ଚର୍ଚ୍ଚିତ। ଚର୍ଚ୍ଚାର କାରଣ ଥିଲା ଅଶ୍ବୀନଙ୍କ ମଙ୍କଡ ଆଉଟ।
ମାତ୍ର ଆଜି ଜୟପୁର ନୁହେଁ ମୋହାଲି ଗ୍ରାଉଣ୍ଡରେ ଚାଲିଛି ମ୍ୟାଚ । ପୁଣିଥରେ ଫୋକସରେ ଅଶ୍ବିନ ଓ ବଟଲର। କଣ ଅଶ୍ବିନୀ ପୁଣିଥରେ ମଙ୍କଡିଂ କରି ମୋହାଲିର ମାହୋଲ ବଦଳାଇବେ ନା ପଞ୍ଜାବରେ ବଟଲର ନିଜ ଫର୍ମ ବଳରେ ରାଜସ୍ଥାନକୁ ଆଉ ଏକ ବିଜୟ ପ୍ରଦାନ କରିବେ।
ବ୍ୟୁରୋ ରିପୋର୍ଟ, ଇଟିଭି ଭାରତ
