ସୁରତ: ବିଜୟ ହଜାରେ ଟ୍ରଫି ମ୍ୟାଚ ଶେଷ ହେବାପରେ କ୍ରୁଣାଳ ପାଣ୍ଡ୍ୟା ବଜାରକୁ ଯାଇ ଦୋସା ଖାଇବାର ଭିଡିଓ ଭାଇରାଲ ହେଉଛି । ବିଜୟ ହଜାରେ ଟ୍ରଫିରେ ଦମଦାର ପ୍ରଦର୍ଶନ କରିଥିବା ସିନିୟର ପାଣ୍ଡ୍ୟାଙ୍କୁ ସୁରତରେ ଷ୍ଟ୍ରିଟ ଫୁଡ୍ର ମଜାନେଉଥିବା ଦେଖାଯାଇଛି ।
ବରୋଦା ଟିମର କ୍ୟାପଟେନ କ୍ରୁଣାଳ ପାଣ୍ଡ୍ୟାଙ୍କୁ ଅଚାନକ ପ୍ଲାଷ୍ଟିକ ଟେବୁଲ ଓ ଚେୟାରରେ ଏକ ଛୋଟ ହୋଟେଲରେ ବସି ଖାଇବାର ଦେଖାଯାଇଛି । ଜଣେ ସାଧାରଣ ବ୍ୟକ୍ତିଙ୍କ ପରି ସମ୍ବର ଓ ଦୋସା ଖାଇଥିଲେ ।
ଯେପରି ସେ ନିଜର ମହଙ୍ଗା କାର୍ରୁ ବାହାରି ସାଧାରଣ ବ୍ୟକ୍ତିଙ୍କ ପରି ଦୋସା ଖାଇ ଖୁସି ହୋଇଥିଲେ, ତାଙ୍କୁ ଦେଖି ସେଠାରେ ଉପସ୍ଥିତ ଥିବା ଲୋକେ ଆଶ୍ଚର୍ଯ୍ୟ ହୋଇଯାଇଥିଲେ ।
ବିଜୟ ହଜାରେ ଟ୍ରଫିରେ ଭଲ ପ୍ରଦର୍ଶନକାରୀ ଖେଳାଳିଙ୍କ ମଧ୍ୟରେ ତାଙ୍କର ନାମ ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
