ନୂଆଦିଲ୍ଲୀ: ଟିମ ଇଣ୍ଡିଆ କ୍ୟାପଟେନ ବିରାଟ କୋହଲିଙ୍କୁ ପୂର୍ବତନ ଇଂଲଣ୍ଡ କ୍ୟାପଟେନ କେଭିନ ପିଟରସନଙ୍କ ପ୍ରଶଂସା । ସଚିନ ତେନ୍ଦୁଲକର ଓ ଅଷ୍ଟ୍ରେଲିଆର ଷ୍ଟିଭ ସ୍ମିଥଙ୍କ ଠାରୁ ବିରାଟ କୋହଲିଙ୍କୁ ପସନ୍ଦର ଖେଳାଳି ଚୟନ କରିଛନ୍ତି ପିଟରସନ ।
ସୀମିତ ଓଭର କ୍ରିକେଟରେ ସଫଳତାର ବିଜୟ ଟାର୍ଗେଟକୁ ପିଛା କରି ସଫଳତା ହାସଲ କରିବାର ରେକର୍ଡ କୋହଲିଙ୍କ ନାମରେ ରହିଛି । କୋହଲିଙ୍କ ଏହି ଦକ୍ଷତାରେ ସ୍ମିଥ ଆଦୌ ସମକକ୍ଷ ନୁହନ୍ତି ବୋଲି ପିଟରସନ କହିଛନ୍ତି ।
ରନ ଚେଜବେଳେ କୋହଲିଙ୍କ ଆଭରେଜ ଅବିଶ୍ବସନୀୟ 80 ରହିଛି । ସଚିନ ତେନ୍ଦୁଲକର ଅନ୍ତର୍ଜାତୀୟ କ୍ରିକେଟରେ 100 ଶତକର ରେକର୍ଡ କରିଛନ୍ତି । ବର୍ତ୍ତମାନର ଟିମ ଇଣ୍ଡିଆ କ୍ୟାପଟେନ ବିରାଟ କୋହଲି 70 ଶତକ ହାସଲ କରିସାରିଛନ୍ତି । ଏହା ତାଙ୍କର ଶ୍ରେଷ୍ଠତାର ପ୍ରମାଣ ବୋଲି ପିଟରସନ କହିଛନ୍ତି ।
