ମୁମ୍ବାଇ: ଭାରତ ପାଇଁ ଖୁସି ଖବର । ମଧ୍ୟକ୍ରମ ବ୍ୟାଟ୍ସମ୍ୟାନ କେଦାର ଯାଦବ ଫିଟ ଅଛନ୍ତି । ସଦ୍ୟ ସମାପ୍ତ ହୋଇଥିବା ଆଇପିଏଲ୍ରେ ଆହତ ହୋଇଥିଲେ ଯାଦବ । ତେବେ ଯାଦବ ଫିଟ ହେବା ସହିତ ଆଗାମୀ ମେ 22 ତାରିଖରେ ଭାରତୀୟ ଦଳ ସହ ଇଂଲଣ୍ଡ ଗସ୍ତ କରିବେ ।
ତେବେ 34 ବର୍ଷିୟ କେଦାର ଯାଦବଙ୍କ କାନ୍ଧରେ ଆଇପିଏଲ୍ ମ୍ୟାଚ୍ ବେଳେ ଆଘାତ ଲାଗିଥିଲା । ସେତେବେଳେ ବିଶେଷ କିଛି ସମସ୍ୟା ନ ଥିଲା । କିନ୍ତୁ ଏହା ଠିକ୍ ହେବା ପାଇଁ ଅଧିକ ସମୟ ନେଇଥିଲା । ଯେଉଁଥିପାଇଁ ଭାରତୀୟ ଟିମ୍ ଚିନ୍ତାରେ ପଡ଼ି ଯାଇଥିଲା । ତେବେ ଗୁରୁବାର ଦିନ ତାଙ୍କର ସ୍ୱାସ୍ଥ୍ୟ ପରୀକ୍ଷା କରାଯାଇଥିଲା । ବିସିସିଆଇକୁ ଦିଆଯାଇଥିବା ରିପୋର୍ଟ ଯାଦବଙ୍କୁ ସମ୍ପୂର୍ଣ୍ଣ ସୁସ୍ଥ ଘୋଷଣା କରାଯାଇଛି ।
କେଦାର ଏବେ ଯାଏଁ 59ଟି ଦିନିକିଆ ଖେଳି 1174 ରନ୍ କରିଛନ୍ତି । ସେ ଦୁଇଟି ଶତକ ଓ ପାଞ୍ଚଟି ଅର୍ଦ୍ଧଶତକ କରିଛନ୍ତି । 100 ରୁ ଊର୍ଦ୍ଧ୍ବ ଷ୍ଟ୍ରାଇକ୍ ରେଟ୍ରେ ଥିବା ଯାଧବଙ୍କ ବିଶ୍ୱ କପ୍ରେ ଏକ ପ୍ରମୁଖ ଭୂମିକା ଗ୍ରହଣ କରିପାରନ୍ତି ।
