ହାଇଦ୍ରାବାଦ: ଆଇସିସି ଦିନିକିଆ ମାନ୍ୟତାର ଶୀର୍ଷ ସ୍ଥାନରେ ରହିଛନ୍ତି ଭାରତୀୟ ପେସ ବୋଲର ଜସପ୍ରୀତ ବୁମରା । ସଦ୍ୟତମ ପ୍ରକାଶିତ ଆଇସିସି ଟେଷ୍ଟ ମାନ୍ୟତାରେ ବୁମରା ଶ୍ରେଷ୍ଠ 10 ବୋଲର ମଧ୍ୟରେ ରହିଛନ୍ତି । ବୁମରା ୱେଷ୍ଟଇଣ୍ଡିଜ ବିପକ୍ଷ ଟେଷ୍ଟରେ ଭାରତର ଦ୍ରୁତତମ ବୋଲର ଭାବେ 50 ୱିକେଟ ପୂରଣ କରିଛନ୍ତି । ଦିନିକିଆ ବୋଲିଂ ମାନ୍ୟତାର ନଂ1 ବୋଲର ବୁମରା ଟେଷ୍ଟ କ୍ରିକେଟର 1ନଂ ବୋଲର ହେବାକୁ ମଧ୍ୟ ସୁଯୋଗ ସୃଷ୍ଟି ହୋଇଛି ।
ଅଲରାଉଣ୍ଡର ଭାବରେ 2ୟ ସ୍ଥାନରେ ପହଞ୍ଚିଛନ୍ତି ଇଂଲଣ୍ଡର ବେନ ଷ୍ଟୋକ୍ସ । ଆସେସ 3ୟ ଟେଷ୍ଟରେ ଷ୍ଟୋକ୍ସ ଚିତାକର୍ଷକ ଶତକୀୟ ଇଂନିସ ଖେଳି ଇଂଲଣ୍ଡକୁ ବିଜୟୀ କରାଇଥିଲେ ।
ବ୍ୟାଟ୍ସମ୍ୟାନ ତାଲିକାର ପ୍ରଥମ ସ୍ଥାନ ବଜାୟ ରଖିଛନ୍ତି ଭାରତୀୟ କ୍ୟାପଟେନ ବିରାଟ କୋହଲି । 910 ପଏଣ୍ଟ ସହ ଶୀର୍ଷରେ ରହିଛନ୍ତି ସେ । ତେବେ ଅଷ୍ଟ୍ରେଲିଆର ଭେଟେରାନ କ୍ରିକେଟର ଷ୍ଟିଭେନ ସ୍ମିଥ 904 ପଏଣ୍ଟ ସହ 2ୟ ସ୍ଥାନରେ ରହିଛନ୍ତି । 3ୟରେ ନ୍ୟୁଜିଲାଣ୍ଡ କ୍ୟାପଟେନ କେନ ୱିଲିୟମସନ ଓ 4ର୍ଥରେ ଭାରତର ଆଉଜଣେ ବ୍ୟାଟ୍ସବ୍ୟାନ ଚେତେଶ୍ବର ପୂଜାରା ରହିଛନ୍ତି । ଏହି ତାଲିକାର 11ତମ ତାଲିକାରେ ଅଛନ୍ତି ଭାରତୀୟ ଦଳର ଟେଷ୍ଟ ଉପ-ଅଧିନାୟକ ଅଜିଙ୍କ୍ୟ ରାହାଣେ । ବ୍ୟାଟ୍ସମ୍ୟାନ ତାଲିକାର 13ତମ ସ୍ଥାନରେ ବେନ ଷ୍ଟୋକ୍ସ ରହିଛନ୍ତି ।
