ନୂଆଦିଲ୍ଲୀ: ଟିମ ଇଣ୍ଡିଆର ୱିକେଟ କିପର ବ୍ୟାଟ୍ସମ୍ୟାନ ଋଷଭ ପନ୍ତ ଏବେ ଚର୍ଚ୍ଚାରେ । ଅଷ୍ଟ୍ରେଲିଆରେ ଗାବାଟେଷ୍ଟ ବିଜୟର ହିରୋ ରହିଥିଲେ ପନ୍ତ । ଅପରାଜିତ 89 ରନର ପାଳି ଖେଳିବା ସହ ଭାରତକୁ ବର୍ଡର ଗାଭାସ୍କର ଟ୍ରଫି ସିରିଜ ବିଜୟୀ କରାଇଥିଲେ । ଏହାପରେ ସବୁମହଲରେ ପନ୍ତଙ୍କ ପ୍ରଶଂସା କରାଯାଉଛି । ଏହିକ୍ରମରେ ସୋସିଆଲ ମିଡିଆରେ ମଧ୍ୟ ତାଙ୍କର ନୂଆ ପ୍ରଶଂସକ ଯୋଡି ହୋଇଛନ୍ତି । ସୋସିଆଲ ମିଡିଆରେ 4 ମିଲିୟନ ଫଲୋର୍ସ ଟପିଛନ୍ତି । ଫଳରେ ମଙ୍ଗଳବାର ଏହି ମ୍ୟାଚ ବିଜେତା ବିସ୍ଫୋରକ ୱିକେଟକିପର ବ୍ୟାଟ୍ସମ୍ୟାନ ଫ୍ରଶଂସକଙ୍କୁ ଧନ୍ୟବାର ଜଣାଇଛନ୍ତି ।
'ସ୍ପାଇଡର ପନ୍ତ' ନିଜର ଇନଷ୍ଟାଗ୍ରାମ ଆକାଉଣ୍ଟରେ ଏକ ମଜାଦାର ଭିଡିଓ ମଧ୍ୟ ସେୟାର କରିଛନ୍ତି । ଯେଉଁଥିଲେ ଦିଲ୍ଲୀ କ୍ୟାପିଟାଲ୍ସ ଜର୍ସି ସହ ଭାରତୀୟ ଜର୍ସି ପରିଧାନ କରିଛନ୍ତି । ଭିଡିଓ ମାଧ୍ୟମରେ ତାଙ୍କର କ୍ରିକେଟ ଯାତ୍ରା ମଧ୍ୟ ବୟାନ କରିଛନ୍ତି ।
ଗତ ସପ୍ତାହରେ ଅନ୍ତର୍ଜାତୀୟ କ୍ରିକେଟ ପରିଷଦ(ଆଇସିସି) ପନ୍ତଙ୍କୁ ସ୍ପାଇଡରମ୍ୟାନ ସଜାଇ, ଅଷ୍ଟ୍ରେଲିଆର ଗାବା ଟେଷ୍ଟ ବିଜୟରେ ପ୍ରମୁଖ ଭୁମିକା ନିଭାଇଥିବା ପନ୍ତଙ୍କୁ ପ୍ରଶଂସା କରିଥିଲା । ଗାବା ଟେଷ୍ଟର 4ର୍ଥ ଦିନରେ ଷ୍ଟମ୍ପ ପଛରେ ପନ୍ତ 'ସ୍ପାଇଡରମ୍ୟାନ-ସ୍ପାଇଡରମ୍ୟାନ' ଗୀତ ଗାଉଥିବାର ମଧ୍ୟ ଷ୍ଟମ୍ପ ମାଇକରେ ଶୁଣାଯାଇଥିଲା । 4ର୍ଥ ଟେଷ୍ଟରେ ପ୍ରଭାବୀ ଇଂନିସ ସହ ଆଇସିସି ଟେଷ୍ଟ ବ୍ୟାଟିଂ ମାନ୍ୟତାର କ୍ୟାରିୟରର ଶ୍ରେଷ୍ଠ 13ତମ ସ୍ଥାନରେ ପହଞ୍ଚିଛନ୍ତି ।
4ର୍ଥ ଟେଷ୍ଟରେ ଭାରତ ବିଜୟୀ ହେବାସହ 4 ମ୍ୟାଚ ବିଶିଷ୍ଟ ଟେଷ୍ଟ ସିରିଜକୁ 2-1ରେ କବ୍ଜା କରିଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
