ନୂଆଦିଲ୍ଲୀ: ଦେଶର ବିତ୍ତଶାଳୀ ଲିଗ୍ର କାଉଣ୍ଟଡାଉନ ଆରମ୍ଭ । 19ସେପ୍ଟେମ୍ବରରୁ ୟୁଏଇରେ ଆରମ୍ଭ ହେବ ସବୁଠାରୁ ଲୋକପ୍ରିୟ କ୍ରିକେଟ ଲିଗ ଆଇପିଏଲ। ଏହି ଟୁର୍ଣ୍ଣାମେଣ୍ଟର ଫାଇନାଲ ମ୍ୟାଚ 8ନଭେମ୍ବରରେ ଖେଳାଯିବ ।
ଗୁରୁବାର ବିସିସିଆଇର ଏକ ଅଧିକାରୀ କହିଛନ୍ତି ଯେ, ସମ୍ପୂର୍ଣ୍ଣ ଭାବେ ସମ୍ଭାବନା ରହିଛି ଆଇପିଏଲ 19ସେପ୍ଟେମ୍ବରୁ ୟୁଏଇରେ ଆରମ୍ଭ ହେବ ଓ ଫାଇନାଲ ମ୍ୟାଚ 8 ନଭେମ୍ବରରେ ଆୟୋଜିତ ହେବ । 51ଦିନର ଏହି ଲିଗ ଟୁର୍ଣ୍ଣାମେଣ୍ଟ ହେବ ।
ଗଭର୍ଣ୍ଣିଂ କାଉସିଲିଂର ବୈଠକ ଆଗାମୀ ସପ୍ତାହରେ ହେବାକୁ ଅଛି। ସେଥିରେ ଅନ୍ତିମ ନିର୍ଣ୍ଣୟ ପ୍ରକାଶ ପାଇବ । ଖବରମୁତାବକ, ଭାରତୀୟ କ୍ରିକେଟ ବୋର୍ଡ (ବିସିସିଆଇ) ତା'ର ଫ୍ରାଞ୍ଚାଇଜ ଦଳକୁ ଯୋଜନା ସମ୍ପର୍କରେ ଅବଗତ କରାଇଛି ।
ସୂଚନାଥାଉକି, ଅନ୍ତରାଷ୍ଟ୍ରୀୟ କ୍ରିକେଟ ପରିଷଦ(ଆଇସିସି) ଅକ୍ଟୋବରରେ ହେବାକୁ ଥିବା ଟି20 ବିଶ୍ବକପକୁ ସ୍ଥଗିତ କରାଯିବା ପରେ ଆଇପିଏଲ ଆୟୋଜନର ସମ୍ଭାବନା ବଢି ଯାଇଛି । ପୂର୍ବରୁ ଅନୁମାନ କରାଯାଉଥିଲା ଆଇପିଏଲ 26ସେପ୍ଟେମ୍ବରରୁ ଆରମ୍ଭ ହେବ । କିନ୍ତୁ ବିସିସିଆଇ ସପ୍ତାହେ ପୂର୍ବରୁ ଲିଗ ଆରମ୍ଭ କରିବାକୁ ଚାହୁଁଛି । କାରଣ ଭାରତୀୟ ଟିମର ଅଷ୍ଟ୍ରେଲିଆ ଗସ୍ତ ଉପରେ ଯେପରି କୌଣସି ପ୍ରଭାବ ନପଡେ ।
ଅଧିକାରୀ କହିଛନ୍ତି ଯେ, ଅଷ୍ଟ୍ରେଲିଆ ସରକାରଙ୍କ ନିୟମ ଅନୁସାରେ ଭାରତୀୟ ଟିମକୁ ବାଧ୍ୟତାମୂଳକ 14ଦିନିଆ କ୍ବାରେଣ୍ଟାଇନରେ ରହିବାକୁ ପଡିବ । ଏପଟେ ସମସ୍ତ ଦଳକୁ ମାସକ ପୂର୍ବରୁ ଆୟୋଜନ ସ୍ଥଳୀରେ ପହଞ୍ଚି ଅଭ୍ୟାସ ଆରମ୍ଭ କରିବାକୁ ପଡିବ । ତେବେ ସମସ୍ତ ଟିମକୁ 20ଅଗଷ୍ଟ ସୁଦ୍ଧା ୟୁଏଇରେ ପହଞ୍ଚି ଯିବେ । ଯାହାଦ୍ବାରା ଲିଗ ପୂର୍ବରୁ ଅଭ୍ୟାସ ପାଇଁ 4ସପ୍ତାହ ମିଳିଯିବ ।
