ନୂଆଦିଲ୍ଲୀ: ଆସନ୍ତା 23 ତାରିଖରୁ ଆରମ୍ଭ ହେବାକୁ ଯାଉଛି ଆଇପିଏଲର ଦ୍ବାଦଶ ସଂସ୍କରଣ । ଏଥିପାଇଁ ଭାରତରେ ବିଦେଶୀ ଖେଳାଳିମାନେ ଧିରେଧିରେ ଆସି ପହଞ୍ଚିବାରେ ଲାଗିଛନ୍ତି । ମାତ୍ରା ଶ୍ରୀଲଙ୍କା ବିପକ୍ଷରେ ଟି-20 ଟୁର୍ଣ୍ଣାମେଣ୍ଟ ମ୍ୟାଚ ଆରମ୍ଭ ହେଉଥିବାରୁ ଉଦଘାଟନୀ ଉତ୍ସବରେ ଦକ୍ଷିଣ ଆଫ୍ରିକାର ଖେଳାଳିମାନେ ପହଞ୍ଚି ପାରିବେନି । ଏନେଇ ଦକ୍ଷିଣ ଆଫ୍ରିକା କ୍ରିକେଟ ବୋର୍ଡ ସୂଚନା ଦେଇଛି ।
ମିଳିଥିବା ସୁଚନା ମୁତାବକ ଦ. ଆଫ୍ରିକା ଓ ଶ୍ରୀଲଙ୍କା ମଧ୍ୟରେ ଗତ ଶନିବାର ଦିନିକିଆ ସିରିଜ ଶେଷ ହୋଇଛି । ଏହାପରେ ଉଭୟ ଦଳ ମଧ୍ୟରେ ଟି-20 ସିରିଜ୍ ଆରମ୍ଭ ହେବା । ଏହି ସିରିଜର ଅନ୍ତିମ ମ୍ୟାଚ ଆଗାମୀ 24 ତାରିଖରେ ଖେଳାଯିବ । ଚଳିତ ବର୍ଷ ଆଇପିଏଲର ଦ୍ବାଦଶ ସଂସ୍କରଣ ମାର୍ଚ୍ଚ 23ରୁ ଆରମ୍ଭ ହେବ । ତେଣୁ ପ୍ରଥମ ଦିନ ଆଇପିଏଲରେ ଉପସ୍ଥିତ ରହିବା ଦ.ଆଫ୍ରିକା ଖେଳାଳିଙ୍କ ପାଇଁ ସମ୍ଭବ ନୁହେଁ ।
ଏନେଇ ଦକ୍ଷିଣ ଆଫ୍ରିକା କ୍ରିକେଟ ବୋର୍ଡ(ସିଏସଏ) ଅଧିକାରୀ କହିଛନ୍ତି ଯେ, ଖେଳାଳିଙ୍କୁ ରିଲିଜ୍ କରିବାର ତାରିଖ ନିର୍ଣ୍ଣୟ ପାଇଁ ବୈଠକ କରାଯାଇଛି । ଖେଳାଳିମାନେ 12ତମ ସଂସ୍କରଣ ପାଇଁ ବହୁତ ଉତ୍ସାହିତ ଅଛନ୍ତି । କିନ୍ତୁ ଏହା ସତ୍ୟ ଯେ ପ୍ରଥମେ ସେମାନେ ଦେଶ ପାଇଁ ଖେଳିବା ନିମନ୍ତେ ପ୍ରତିବଦ୍ଧ ।
