ମୁମ୍ବାଇ: ମହାରାଷ୍ଟ୍ର ସରକାର ମଙ୍ଗଳବାର ରାଜ୍ୟରେ କର୍ଫ୍ୟୁ ଘୋଷଣା କରିଛନ୍ତି । ରାଜ୍ୟରେ ବୃଦ୍ଧି ପାଉଥିବା କୋରୋନା ସଂକ୍ରମଣକୁ ରୋକିବାକୁ ଏପ୍ରିଲ 14ରୁ ମେ' 1 ପର୍ଯ୍ୟନ୍ତ ରାଜ୍ୟବ୍ୟାପୀ କର୍ଫ୍ୟୁ ଘୋଷଣା ହୋଇଛି ।
ତେବେ ଏହା ୱାଙ୍ଖଡେ ଷ୍ଟାଡିୟମରେ ଖେଳାଯିବାକୁ ଥିବା ଆଇପିଏଲ ମ୍ୟାଚ ପ୍ରଭାବିତ ହେବ ନାହିଁ ବୋଲି ଜଣାପଡିଛି ।
ଆଇପିଏଲର ଆୟୋଜକ କମିଟି ସୂତ୍ରରୁ ମିଳିଥିବା ଖବର ଅନୁଯାୟୀ, ପୂର୍ବ ନିର୍ଦ୍ଧାରିତ ସୂଚୀ ଅନୁଯାୟୀ ଆଇପିଏଲ ମ୍ୟାଚ ୱାଙ୍ଖଡେରେ ଖେଳାଯିବ । ଏହି ଷ୍ଟାଡିୟମରେ 10ଟି ଆଇପିଏଲ ମ୍ୟାଚ ଖେଳାଯିବା ନେଇ ସୂଚୀ ରହିଛି । ଦୁଇଟି ମ୍ୟାଚ ଖେଳାଯାଇଥିବାବେଳେ ଆଉ 8ଟି ମ୍ୟାଚ ଖେଳାଯିବ ।
ମୁମ୍ବାଇରେ ରାଜସ୍ଥାନ ରୟାଲ୍ସ ଓ ଦିଲ୍ଲୀ କ୍ୟାପିଟାଲ୍ସ ମଧ୍ୟରେ ଗୁରୁବାର ଓ ଶୁକ୍ରବାର ପଞ୍ଜାବ କିଙ୍ଗ୍ସ ଓ ଚ଼େନ୍ନାଇ ସୁପର କିଙ୍ଗ୍ସ ମଧ୍ୟରେ ମ୍ୟାଚ ଖେଳାଯିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
