ଦୁବାଇ: ଆଇପିଏଲ -13 ପାଇଁ ଇଂଲଣ୍ଡ ଅଲରାଉଣ୍ଡର ବେନ ଷ୍ଟୋକ୍ସ ସଂଯୁକ୍ତ ଆରବ ଏମିରେଟ୍ସ (ୟୁଏଇ) ରେ ପହଞ୍ଚିଛନ୍ତି । ସେ ପ୍ରଥମ କିଛି ମ୍ୟାଚ୍ ହରାଇବା ପରେ ରାଜସ୍ଥାନ ରୟାଲ୍ସରେ ଯୋଗଦେବେ । ଏହାପୂର୍ବରୁ, ସେ 6 ଦିନର କ୍ବାରେଣ୍ଟାଇନ ଅବଧିରେ ରହିବେ ।
ଷ୍ଟୋକ୍ସ ନିଜ ଇନଷ୍ଟାଗ୍ରାମ ଷ୍ଟୋରୀରେ ଦୁବାଇରେ ପହଞ୍ଚିବା ବିଷୟରେ ସୂଚନା ଦେଇଛନ୍ତି । ଯେଉଁଥିରେ ସେ ଲେଖିଛନ୍ତି ଦୁବାଇ ବହୁତ ଗରମ । ଅଗଷ୍ଟରେ ପାକିସ୍ତାନ ବିପକ୍ଷରେ ଖେଳାଯାଇଥିବା ଟେଷ୍ଟ ସିରିଜରେ ଷ୍ଟୋକ୍ସ ତାଙ୍କ ନାମ ପ୍ରତ୍ୟାହାର କରିନେଇ ଅସୁସ୍ଥ ଥିବା ତାଙ୍କ ପିତାଙ୍କ ନିକଟକୁ ଯାଇଥିଲେ । ଏହି କାରଣରୁ ସେ ଅଷ୍ଟ୍ରେଲିଆ ସହ ସିରିଜ୍ ମଧ୍ୟ ଖେଳି ନଥିଲେ ।
ଷ୍ଟୋକ୍ସଙ୍କ ଆଗମନ ସହିତ ରାଜସ୍ଥାନ ଦଳ ମଜବୁତ ହୋଇଛି । ରାଜସ୍ଥାନ ଏପର୍ଯ୍ୟନ୍ତ 4ଟି ମ୍ୟାଚ୍ ଖେଳିଛି, ସେଥିମଧ୍ୟରୁ 2ଟି ଜିତି ଦୁଇଟି ମ୍ୟାଚ ହାରିଛି ।
