ନୂଆଦିଲ୍ଲୀ: ଶନିବାର ଆରମ୍ଭ ହେଉଛି ଆଇପିଏଲ। ଧୋନିଙ୍କ ନେତୃତ୍ୱରେ ଚେନ୍ନାଇ ସୁପର କିଙ୍ଗସ ଓ କୋହଲିଙ୍କ ନେତୃତ୍ବରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୋର ପରସ୍ପର ମୁହାଁମୁହିଁ ହେବେ। ଦୁନିଆଁର ପ୍ରତି କୋଣରେ ଏହି ସବୁଠାରୁ ଦାମୀକ୍ରିକେଟ ଟୁର୍ଣ୍ଣାମେଣ୍ଟକୁ ଦେଖନ୍ତି କ୍ରିକେଟ ଫ୍ୟାନ୍ସ । କିନ୍ତୁ ଏହି ବର୍ଷ ଟୁର୍ଣ୍ଣାମେଣ୍ଟ ପାକିସ୍ତାନରେ ପ୍ରସାରିତ ହେବ ନାହିଁ । ପାକିସ୍ତାନର ସୂଚନା ଓ ପ୍ରସାରଣ ମନ୍ତ୍ରୀ ଫୱାଦ ଅହମଦ ଏହି ସୂଚନା ଦେଇଛନ୍ତି ।
ସୂଚନା ଦେଇ ଫୱାଦ କହିଛନ୍ତି ଯେ ଗତ ମାସରେ ପାକିସ୍ତାନ ସୁପରଲିଗର ପ୍ରସାରଣକୁ ଭାରତରେ ବ୍ୟାନ କରିଥିଲା ଭାରତ ତେଣୁ ଆଇପିଏଲର ପ୍ରସାରଣକୁ ବନ୍ଦ କରିଛି ପାକିସ୍ତାନ। ପାକିସ୍ତାନର ଏକ ଟିଭି ଚ୍ୟାନେଲରେ ଏହି କଥା କହିଛନ୍ତି ଫୱାଦ ଅହମ୍ମଦ। ସେ କହିଛନ୍ତି ‘ପିସିଏଲ ବେଳେ ଭାରତୀୟ କମ୍ପାନୀଓ ଭାରତ ସରକାର ପାକ କ୍ରିକେଟ ସହ ଯେଉଁଭଳି ବ୍ୟବହାର କଲେ, ତାହା ପାକ କଦାପି ସହ୍ୟ କରିବ ନାହିଁ। ତେଣୁ ଆମେ ମଧ୍ୟ ଆଇପିଏଲର ପ୍ରସାରଣକୁ ବ୍ୟାନ କରିଛୁ।’
ଫେବୃଆରୀ 14ରେ ହୋଇଥିବା ପୁଲୱାମା ଆକ୍ରମମ ପରେ ଆଇଏମଜି ରିଲାଏନ୍ସ ଓ ଡିଡି ସ୍ପୋର୍ଟସ ଭାରତରେ ପାକିସ୍ତାନ ସୁପର ଲିଗର ପ୍ରସାରଣ ବନ୍ଦ କରାଯାଇଥିଲା । ପରେ ପାକିସ୍ତାନକୁ ପ୍ରସାରଣ ପାଇଁ ଅନ୍ୟ ବ୍ରଡକାଷ୍ଟର ଖୋଜିବାକୁ ପଡିଥିଲା। ତେଣୁ ଏବେ ପାକିସ୍ତାନ ପ୍ରତିଶୋଧ ପରାୟଣ ହୋଇ ଏପରି ନିଷ୍ପତ୍ତି ନେଇଛି।
ଏହାସହ ଫୱାଦ କହିଛନ୍ତି ଯେ ଭାରତ ଆର୍ମି କ୍ୟାପ ପିନ୍ଧି ଅଷ୍ଟ୍ରେଲିଆ ବିପକ୍ଷ ଦିନିକିଆ ଖେଳିଥିଲା ତା ଉପରେ ମଧ୍ୟ କୋଣସି କାର୍ଯ୍ୟାନୁଷ୍ଟାନ ନେଇନାହିଁ ଆଇସିସି। ଆଇପିଏଲ ପାକିସ୍ତାନ ପ୍ରସାରିତ ନହେଲେ ଭାରତର କ୍ଷତି ହେବ।
