ହାଇଦ୍ରାବାଦ: ଶେଷ ହୋଇଛି ଆଇପିଏଲର ଲିଗ ପର୍ଯ୍ୟାୟ ମ୍ୟାଚ । ଆସନ୍ତାକାଲି (ମଙ୍ଗଳବାର)ଠାରୁ ଆରମ୍ଭ ହେବାକୁ ଯାଉଛି ପ୍ଲେ-ଅଫ ମୁକାବିଲା । 44 ଦିନରେ ଖେଳାଯାଇଛି 56ଟି ରୋମାଞ୍ଚକ ଲଢେଇ । ତେବେ ଲିଗ ପର୍ଯ୍ୟୟ ଶେଷ ହେବା ପୂର୍ବରୁ କିଛି ବିଦେଶୀ ଖେଳାଳି ଫେରିଯାଇଥିଲେ । ଆଗକୁ ବିଶ୍ବକପ ଥିବାରୁ ନିଜ ଦେଶର କ୍ୟାମ୍ପରେ ଯୋଗ ଦେବାକୁ ସେମାନେ ସ୍ବଦେଶ ଫେରିଯାଇଛନ୍ତି। ମାତ୍ର ଯିବା ପୂର୍ବରୁ ଆଇପିଏଲରେ ଅନେକ ରେକର୍ଡ ନିଜ ନାମରେ କରିଛନ୍ତି ।
ଲିଗ୍ ପର୍ଯ୍ୟାୟରେ ଚଳିତଥର ବହୁ ରୋମାଞ୍ଚପୂର୍ଣ୍ଣ ମୁକାବିଲା ଦେଖିବାକୁ ମିଳିଥିଲା । ଗତବର୍ଷ ଆଇପିଏଲରେ ଅନୁପସ୍ଥିତ ଥିବା ଡେଭିଡ୍ ୱାର୍ଣ୍ଣର ଚଳିତଥର ଅନେକ ବିସ୍ଫୋରକ ଇଂନିସ୍ ଖେଳିଛନ୍ତି । ସେହିପରି ପ୍ରଥମଥର ଆଇପିଏଲ ଖେଳୁଥିବା ଦକ୍ଷିଣ ଆଫ୍ରିକାର କାଗିସୋ ରବାଡା ନିଜ ବୋଲିଂର ଦମ୍ ଦେଖାଇଛନ୍ତି । ଅନ୍ୟପଟେ ଦୁର୍ଦ୍ଧର୍ଷ ବ୍ୟାଟ୍ସମ୍ୟାନ ଆନ୍ଦ୍ରେ ରସେଲ ମଧ୍ୟ ପ୍ରତି ମ୍ୟାଚରେ ସବୁ ଟିମର ମୁଣ୍ଡ ବିନ୍ଧା କାରଣ ସାଜିଥିଲେ । ତେବେ ଆସନ୍ତୁ ଆଇପିଏଲର କିଛି ଟପ ସ୍ପଟ ଉପରେ ନଜର ପକାଇବା ।
ଅରେଞ୍ଜ୍ କ୍ୟାପ୍-
୧୨ଟି ମ୍ୟାଚରେ ୬୯୨ ରନ୍ କରି ଅରେଞ୍ଜ୍ ପାଖରେ ରଖି ବିଦେଶ ଫେରିଛନ୍ତି ଅଷ୍ଟ୍ରେଲିଆନ୍ ଓପନର ଡେଭିଡ୍ ୱାର୍ଣ୍ଣର । ସେ ଚଳିତ ସିଜନରେ ୧ଟି ଶତକ ଓ ୮ଟି ଅର୍ଦ୍ଧଶତକ ମାରିଛନ୍ତି । ସେ ୬୯.୨୦ ହାରରେ ୧୪୩.୮୬ ଷ୍ଟ୍ରାଇକରେଟରେ ରନ୍ କରିଛନ୍ତି। ତେବେ ଲିଗ ପର୍ଯ୍ୟାୟ ଶେଷ ସୁଦ୍ଧା ସେ ଚଳିତ ସିଜନର ଟପ ସ୍କୋରର ବନିଛନ୍ତି ।
ପର୍ପଲ୍ କ୍ୟାପ୍-
ପ୍ରଥମଥର ପାଇଁ ଆଇପିଏଲ ଖେଳୁଥିବା ଦକ୍ଷିଣ ଆଫ୍ରିକା ବୋଲର କାଗିସୋ ରବଡା ନିଜର ବୋଲିଂ ଯାଦୁ ଦେଖାଇଛନ୍ତି । ସେ ମୋଟ ୧୨ ମ୍ୟାଚ୍ ଖେଳି ୨୫ ୱିକେଟ୍ ନେଇଛନ୍ତି । ବିଦେଶ ଫେରିବା ସହ ସେ ଚଳିତ ଆଇପିଏଲର ସର୍ବାଧିକ ୱିକେଟ ନେବାର ରେକର୍ଡ କରିଛନ୍ତି । ତେବେ ପର୍ପଲ କ୍ୟାପ ତାଙ୍କ ନାମରେ ରହିଛି ।
ସର୍ବାଧିକ ଷ୍ଟ୍ରାଇକରେଟ୍-
ଚଳିତ ଆଇପିଏଲର ଲିଗ୍ ପର୍ଯ୍ୟାୟରେ କୋଲକାତା ନାଇଟ୍ ରାଇଡର୍ସକୁ ଆନ୍ଦ୍ରେ ରସେଲ୍ ନିଜ ଦମରେ ଏକାକି ଟିମକୁ ଏକାଧିକ ବାର ବିଜୟୀ କରାଇଛନ୍ତି । ତେବେ ୱେଷ୍ଟଇଣ୍ଡିଜର ଏହି ଷ୍ଟାର୍ ଅଲରାଉଣ୍ଡର 14ଟି ମ୍ୟାଚ ଖେଳି ମାତ୍ର ୨୪୯ ବଲରେ ୨୦୪.୮୧ ଷ୍ଟ୍ରାଇକରେଟରେ ୫୧୦ ରନ୍ କରିଛନ୍ତି ।
ସର୍ବାଧିକ ଛକା-
