ହାଇଦ୍ରାବାଦ: ଆରମ୍ଭ ହେବାକୁ ଯାଉଛି ଆଇପିଏଲ 2020 । ଦୁଇ ଦିନର ଅପେକ୍ଷା । ୟୁଏଇର ଶେଇକ ଜାୟଦ ଷ୍ଟାଡିୟମରୁ ଆରମ୍ଭ ହେବ ଏହି ଧନୀ ଲିଗ । ପ୍ରଥମ ମ୍ୟାଚରେ ଲଢିବେ ଚେନ୍ନାଇ-ମୁମ୍ବାଇ । ତେବେ ପୂର୍ବରୁ 2014ରେ ୟୁଏଇରେ ଏହି ଦଳ ମଧ୍ୟରେ ହୋଇଥିଲା କଡା ଟକ୍କର । ତେବେ କଣ ରହିଥିଲା ମ୍ୟାଚ ରେଜଲ୍ଟ । ଆସନ୍ତୁ ଜାଣିବା......
ଚେନ୍ନଇ vs ମୁମ୍ବାଇ 2014
ଚେନ୍ନାଇ ସୁପର କିଙ୍ଗ୍ସ ଆଇପିଏଲ୍ 2014ର 12ତମ ମ୍ୟାଚରେ ମୁମ୍ବାଇ ଇଣ୍ଡିଆନ୍ସ ଉପରେ 7 ୱିକେଟରେ ବିଜୟ ହାସଲ କରିଥିଲା । ମୋହିତ ଶର୍ମାଙ୍କ 4 ୱିକେଟ ଅକ୍ତିଆର ଚେନ୍ନାଇକୁ ଏହି ବିଜୟ ଆଣି ଦେଇଥିଲା । ନିର୍ଦ୍ଧାରିତ 20 ଓଭରରେ 141ରନ କରିଥିଲା ମୁମ୍ବାଇ । ପରେ, ବ୍ରେଣ୍ଡନ୍ ମ୍ୟାକକୁଲମଙ୍କ (71ଅପରାଜିତ) ପାଳି ବଳରେ ମେନ ଇନ୍ ୟଲୋ ଦୁବାଇରେ ଡିଫେଣ୍ଡିଂ ଚାମ୍ପିଅନ୍ ବିପକ୍ଷରେ ଆରାମ ଦାୟକ ବିଜୟ ଯୋଡିଥିଲା ।
ଟସ ଜିତି ପ୍ରଥମେ ବ୍ୟାଟିଂ କରିଥିଲା ମୁମ୍ବାଇ । ଦଳର ଟପ ଅର୍ଡର ବିପର୍ଯ୍ୟୟ ପରେ ଅଧିନାୟକ ରୋହିତ ଶର୍ମା ସର୍ବାଧିକ 50 ରନ ଯୋଡିଥିଲେ । ପରେ ବ୍ରେଣ୍ଡନ୍ ମ୍ୟାକକୁଲମଙ୍କ (71ଅପରାଜିତ) ପାଳି ଚେନ୍ନାଇକୁ ଦେଇଥିଲା ବୃହତ ବିଜୟ ।
