ହାଇଦ୍ରାବାଦ: କୋରୋନା ମହାମାରୀ ଯୋଗୁଁ ସାରା ବିଶ୍ବ ଏବେ ଲକଡାଉନରେ । ସମସ୍ତେ ପ୍ରାୟ ସମୟ କାଟୁଛନ୍ତି ନିଜ ପରିବାର ଓ ପ୍ରିୟଜନଙ୍କ ସହ । ତେବେ କ୍ରିକେଟର ମାନେ ବା ଏଥିରୁ ବାଦ ପଡନ୍ତେ କିପରି ! ସମସ୍ତ ଅନ୍ତର୍ଜାତୀୟ କ୍ରିକେଟର ନିଜ ପରିବାର ସହ ନିଜର ଅତି ପ୍ରିୟ ପାଳିତ ପଶୁଙ୍କ ସହ ସମୟ ଅତିବାହିତ କରୁଛନ୍ତି । ଯାହାର ଫଟୋ ସୋସିଆଲ ମିଡିଆରେ ଖୁବ ଭାଇରାଲ ହେଉଛି ।
1- ବିରାଟ କୋହଲି ଓ ଅନୁଷ୍କା ଶର୍ମାଙ୍କ ପ୍ରିୟ କୁକୁର ବ୍ରୁନୋ
ଭାରତୀୟ କ୍ରିକେଟ ଟିମରେ ଅଧିନାୟକ ଓ ପତ୍ନୀ ଅନୁଷ୍କା ଶର୍ମା ମଧ୍ୟ ସମଗ୍ର ଦେଶବାସୀଙ୍କ ଭଳି ଲକଡାଉନ ବେଳେ ଘରେ ନିଜକୁ ବନ୍ଦ କରି ରଖିଛନ୍ତି । ପତ୍ନୀ ଅନୁଷ୍କାଙ୍କ ସହ ବିରାଙ୍କ ପାଖରେ ଅଛି ଆଉ ଏକ ବନ୍ଧୁ ଯିଏକି ଏହି କଠିନ ସମୟରେ ବିରାଟଙ୍କ ସମ୍ପୂର୍ଣ୍ଣ ସାଥ ଦେଉଛି । ସେହେଉଛି ତାଙ୍କ ପୋଷା କୁକୁର ବ୍ରୁନୋ । ପାୱର କପଲ ବିରାଟ ଓ ଅନୁଷ୍କା ଅନେକ ସମୟରେ ସୋସିଆଲ ମିଡିଆରେ ବ୍ରୁନୋ ସହ ନିଜର ଫଟୋ ସେୟାର କରିଥାନ୍ତି ।
2- ରବିନ୍ଦ୍ର ଜାଡେଜାଙ୍କର ରାଜକୀୟ ସଉକ
ଘୋଡା ମାନଙ୍କ ପାଇଁ ଥିବା ସ୍ନେହ ଓ ଭଲପାଇବା ପାଇଁ ଜାଡେଜାଙ୍କୁ ସଭିଏଁ ଜାଣନ୍ତି । ତେବେ ଏହି ଭାରତୀୟ ଅଲରାଉଣ୍ଡରଙ୍କୁ ଅନେକ ସମୟରେ ନିଜ ଫାର୍ମ ହାଉସରେ ଘୋଡା ସବାରୀ କରୁଥିବାର ଦେଖିବାକୁ ମିଳିଥାଏ । ଲକଡାଉନ ବେଳେ ମଧ୍ୟ ଜାଡେଜା ନିଜ ଘୋଡା ମାନଙ୍କ ସହ ସମୟ ଅତିବାହିତ କରୁଛନ୍ତି ଓ ତାର ଫୋଟ ଭିଡିଓ ସୋସିଆଲ ମିଡିଆରେ ସେୟାର କରୁଛନ୍ତି ।
3- କେଏଲ ରାହୁଲ ଓ ତାଙ୍କ ପ୍ରିୟ ‘ସିମ୍ବା’
ଭାରତୀୟ ବ୍ୟାଟ୍ସମ୍ୟାନ କେଏଲ ରାହୁଲଙ୍କ ମନରେ କୁକୁରଙ୍କ ପାଇଁ ଏକ ଖାସ ସ୍ଥାନ ରହିଛି । ରାହୁଲଙ୍କୁ ଆଗରୁ ମଧ୍ୟ ସେଲଟର ହୋମରେ ଥିବା କୁକୁର ତଥା ବୁଲା କୁକୁରଙ୍କ ଜତ୍ନ ନେଉଥିବା ଦେଖିବାକୁ ମିଳିଛି । ତେବେ ଲକଡାଉନ ବେଳେ ରାହୁଲଙ୍କ ସହ ସାଥୀ ହୋଇଛି ଏକ ଚାଓ ଚାଓ ବ୍ରିଡର କୁକୁର ସିମ୍ବା ।
4-କେନ ୱିଲିୟମସନ ବାଣ୍ଟନ୍ତି ସ୍ନେହ
ସ୍ୟାଣ୍ଡି ଓ ହାକା ନାମକ ଦୁଇ କୁକୁର କିୱି କ୍ରିକେଟର କେନ ୱିଲିୟମସନଙ୍କୁ ଦେଉଛନ୍ତି କମ୍ପାନୀ । ନ୍ୟୁଜିଲାଣ୍ଡରେ ନିଜ ପରିବାର ସହ ସମୟ ବିତାଇବା ସଙ୍ଗେ ସଙ୍ଗେ ଏହି ଦୁଇ ଜଣଙ୍କ ସହ ମଧ୍ୟ ସମୟ ବିତାନ୍ତି କେନ । କେନ ମଧ୍ୟ ନିଜ ପୋଷା କୁକୁରଙ୍କ ସହ ଫଟୋ ଓ ଭିଡିଓ ସେୟାର କରୁଛନ୍ତି । ନିକଟରେ ସ୍ୟାଣ୍ଡି ଓ ହାକାଙ୍କ ସହ କ୍ୟାଚ ଖେଳୁଥିବାର ଭିଡିଓ ସେୟାର କରିଥିଲେ କେନ ।
5- ଡେଲ ଓ ତାଙ୍କ ଟ୍ରାଇଓ
କୋରୋନା ମହାମାରୀ ବେଳେ ଡେଲ ଷ୍ଟେନ କେତେବେଳେ ମାଛ ଧରୁଛନ୍ତି ତ ଆଉ କେଳେବେଳେ ଅନ୍ୟ କାମରେ ନିଜକୁ ବ୍ୟସ୍ତ ରଖୁଛନ୍ତି । ତେବେ ଏହାସହ ସେ ନିଜର ତିନି ପୋଷା କୁକୁରଙ୍କ ସହ ବେଶ ଆନନ୍ଦରେ ସମୟ କାଟୁଛନ୍ତି ।
6-ହାର୍ଦ୍ଦିକ ପାଣ୍ଡ୍ୟା ଓ ତାଙ୍କର ଅତି ସ୍ନେହର କୁନି ସାଥୀ
ହାର୍ଦ୍ଦିକ ପାଣ୍ଡ୍ୟା ମଧ୍ୟ ଜଣେ କୁକୁରଙ୍କୁ ସ୍ନେହ କରୁଥିବା ବ୍ୟକ୍ତି । ହାର୍ଦ୍ଦିକ ଲକଡାଉନ ସମୟରେ ନିଜର ଦୁଇଟି କୁନି କୁନି କୁକୁରଙ୍କ ସହ ସମୟ ଅତିବାହିତ କରୁଛନ୍ତି । ନିକଟରେ ହାର୍ଦ୍ଦିକଙ୍କ ଭାବି ସ୍ତ୍ରୀ ନତାଶା ଏକ ଫଟୋ ସେୟାର କରିଥିଲେ ଯେଉଁଥିରେ ଉଭୟ ତାଙ୍କ ପୋଷା କୁକୁରଙ୍କୁ ଗାଧେଇ ଦେଉଥିବାର ନଜର ଆସିଥିଲେ ଷ
7- ଧୋନିଙ୍କ ସହ ତାଙ୍କ କୁକୁର ସେନା
କ୍ରିକେଟ ଠାରୁ ଦୂରରେ ଧୋନି ଏବେ ଅଛନ୍ତି ନିଜ ଫାର୍ମ ହାଉସରେ । ସମୟ କାଟୁଛନ୍ତି ନିଜ ପରିବାର ସହ । ତେବେ ଏମଏସଙ୍କ ପାଖରେ ଅଛି ତାଙ୍କ କୁକୁରଙ୍କ ସେନା । କୁକୁରଙ୍କ ପ୍ରତି ଧୋନିଙ୍କ ଭଲ ପାଇବାକୁ ସମସ୍ତେ ବେଶ ଜାଣିଛନ୍ତି । ଲକଡାଉନ ସମୟରେ ବି ସେ ତାଙ୍କ କୁକୁରଙ୍କ ସହ ସମୟ ବିତାଉଛନ୍ତି ।
