ରାଞ୍ଚି: ଦକ୍ଷିଣ ଆଫ୍ରିକା ବିପକ୍ଷ ଘରୋଇ ଟେଷ୍ଟ ଶୃଙ୍ଖଳାର ତୃତୀୟ ତଥା ଅନ୍ତିମ ଟେଷ୍ଟରେ ଚମକ ଦେଖାଇଛନ୍ତି ହିଟମ୍ୟାନ। ଟେଷ୍ଟ କ୍ରିକେଟରେ ପୁଣି ଏକ ଶତକ ଯୋଡିଛନ୍ତି । 164 ବଲରୁ 117ରନର ଇଂନିସ ଖେଳି ଅପରିଜିତ ରହିଛନ୍ତି ରୋହିତ । ତେବେ ତାଙ୍କର ଶତକ ପରେ ଖରାପ ଆଲୋକ ଯୋଗୁଁ ଖେଳ ବାଧାପ୍ରାପ୍ତ ହୋଇଛି।
ଖେଳ ରୋକିବା ପୂର୍ବରୁ ଭାରତ ତା’ର ମୂଲ୍ୟବାନ 3ଟି ୱିକେଟ ହରାଇ 224ରନ କରିଛି । ରୋହିତ ଶର୍ମା ଓ ରାହଣେ କ୍ରିଜରେ ଅପରାଜିତ ରହିଛନ୍ତି । 135ବଲରୁ 83ରନ କରିଛନ୍ତି ଉପଅଧିନାୟକ ଅଜିଙ୍କ୍ୟ ରାହାଣେ । ତେବେ ଆଜିର ଖେଳ ଆରମ୍ଭରୁ ଝୁଣ୍ଟିଥିଲା ଘରୋଇ ଦଳ । ଓପନର ମୟଙ୍କ ଅଗ୍ରଓ୍ବାଲ (10), ଚେତେଶ୍ୱର ପୂଜାରା ଖାତା ଖୋଲିବା ପୂର୍ବରୁ କାଗିସେ ରାବାଡ଼ାଙ୍କ ଦ୍ୱାରା ଆଉଟ ହୋଇଥିଲେ । ସେହିପରି ଅଧିନାୟକ ବିରାଟ କୋହଲି ମାତ୍ର 12 ରନ କରି ଅନରିଚ ନୋର୍ଜଙ୍କ ଦ୍ୱାରା ଏଲ୍ବିଡବ୍ଲ୍ୟୁ ହୋଇ ପାଭେଲିଅନ ଫେରିଥିଲେ।
