ବେଙ୍ଗାଲୁରୁ: ଟି-20 କ୍ରିକେଟରେ ଭାରତୀୟ ଖେଳାଳିଙ୍କ କମାଲ । ଘରୋଇ ଟି-20 ସିରିଜର 3ୟ ତଥା ଅନ୍ତିମ ଟି-20ରେ ଟସ ଜିତି ପ୍ରଥମେ ବ୍ୟାଟିଂ କରୁଛି ଭାରତ । ତେବେ ଫଟାଫଟ୍ ଭାରତୀୟ ଓପନର ଶିଖର ଧାୱନ ଆଉ ଏକ ମାଇଲଷ୍ଟୋନ ଅତିକ୍ରମ କରିଛନ୍ତି । ଓଭର ଅଲ ଟି-20 କ୍ରିକେଟରେ ସେ ବ୍ୟକ୍ତିଗତ 7 ହଜାର ରନ ପୁରଣ କରିଛନ୍ତି ।
ତେବେ ଏହି ମ୍ୟାଚ ପୂର୍ବରୁ 7 ହଜାର ରନ ପୁରଣ କରିବା ପାଇଁ ଶିଖରଙ୍କୁ 4ରନ ଆବଶ୍ୟକ ଥିଲା । ଯାହାକୁ ସେ ଆଜି ମ୍ୟାଚର ପ୍ରଥମ ବଲରେ ଚୌକା ମାରି ପୁରଣ କରିଛନ୍ତି । ମାତ୍ର ଏହି ରେକର୍ଡ କରିବା ପରେ ସେ 36 ରନ କରି ତାବରେଜ୍ ଶାମସିଙ୍କ ବଲରେ ଆଉଟ ହୋଇଯାଇଛନ୍ତି ।
ତେବେ ଏହି ମାଇଲଷ୍ଟୋନ ଅତିକ୍ରମ କରିବାରେ ଧାୱନ ଭାରତର 4ର୍ଥ ବ୍ୟାଟ୍ସମ୍ୟାନ ବନିଛନ୍ତି । ତାଙ୍କ ପୂର୍ବରୁ ବିରାଟ କୋହଲି, ରୋହିତ ଶର୍ମା, ସୁରେଶ ରାଇନା ଓଭର ଅଲ ଟି-20 କ୍ରିକେଟରେ 7 ହଜାର ରନ ପୁରଣ କରିସାରିଛନ୍ତି ।
