ଇନ୍ଦୋର: କୋହଲିଙ୍କ ପାଇଁ ମାନିଲେନି ବାଡବନ୍ଧ । ମ୍ୟାଚ ଚାଲିଥିବା ସମୟରେ ସୁରକ୍ଷା ପାଚେରୀ ଡେଇଁ ଗ୍ରାଉଣ୍ଡ ମଧ୍ୟକୁ ପ୍ରବେଶ କଲେ ଯୁବକ । ଏପରି ଘଟଣା ଭାରତ-ବାଂଲାଦେଶ ଟେଷ୍ଟ ମ୍ୟାଚରେ ଦେଖିବାକୁ ମିଳିଥିଲା ।
ଖବରମୁତାବକ. ଭାରତ-ବାଂଲାଦେଶ ମଧ୍ୟରେ ପ୍ରଥମ ଟେଷ୍ଟ ମ୍ୟାଚ ଇନ୍ଦୋରରେ ଖେଳାଯାଉଥିଲା । ଗ୍ରାଉଣ୍ଡରେ ମ୍ୟାଚ ଚାଲୁଥିବା ସମୟରେ କୋହଲିଙ୍କ ଏକ ଫ୍ୟାନ୍ସ ସୁରକ୍ଷାବାଡ ଭାଙ୍ଗି ଗ୍ରାଉଣ୍ଡ ମଧ୍ୟକୁ ପ୍ରବେଶ କରିଥିଲେ । ପୋଲିସ ତୁରନ୍ତ ଆସି ଯୁବକ ଜଣକୁ ଅଟକ ରଖିଥିଲେ ।
ସେହି ଯୁବକ ଜଣକ ହେଲେ ସୁରଜ ବିଷ୍ଟ । ସୁରଜ ଉତ୍ତରାଖଣ୍ଡର ବାସିନ୍ଦା । ସେ ଇନ୍ଦୋରରେ କାମ କରନ୍ତି । ବିରାଟଙ୍କ ସହ ଭେଟିବା ପାଇଁ ସେ ଗ୍ରାଉଣ୍ଡ ମଧ୍ୟକୁ ପ୍ରବେଶ କରିଥିଲେ । ତାଙ୍କ ହାତରେ ବିରାଟଙ୍କ ନାଁର ଟାଟୁ ରହିଥିବା ପୋଲିସ ଅଧିକାରୀ କହିଛନ୍ତି ।
