ସିଡନୀ: ଭାରତ ବନାମ ଅଷ୍ଟ୍ରେଲିଆ ସିରିଜ ପୂର୍ବରୁ ଭାରତୀୟ ଷ୍ଟାର ବୋଲର ଜସପ୍ରୀତ ବୁମରା ବୁଧବାର ଯୁବ ଖେଳାଳି କାର୍ତ୍ତିକ ତ୍ୟାଗୀଙ୍କୁ ଦେଇଛନ୍ତି ଟିପ୍ସ । ଭାରତୀୟ ଟିମ ଅଷ୍ଟ୍ରେଲିଆରେ ପହଁଞ୍ଚିବାର ପ୍ରାୟ 10 ଦିନ ହୋଇ ସାରିଛି । ଯେଉଁଠାରେ ଟିମ ସମସ୍ତ ଫର୍ମାଟର ମ୍ୟାଚ ଖେଳିବ । ଟିମ୍ କ୍ବାରେଣ୍ଟାଇନରେ ରହିଥିବା ବେଳେ ଖେଳାଳି ମାନେ ଉଭୟ ଧଳା ଓ ନାଲି ବଲ୍ରେ ଅଭ୍ୟାସ ଜାରି ରଖିଛନ୍ତି ।
-
When you have best in the business to guide you in your journey. @Jaspritbumrah93 @tyagiktk #TeamIndia pic.twitter.com/oDUt2ucu2s
— BCCI (@BCCI) November 25, 2020 " class="align-text-top noRightClick twitterSection" data="
">When you have best in the business to guide you in your journey. @Jaspritbumrah93 @tyagiktk #TeamIndia pic.twitter.com/oDUt2ucu2s
— BCCI (@BCCI) November 25, 2020When you have best in the business to guide you in your journey. @Jaspritbumrah93 @tyagiktk #TeamIndia pic.twitter.com/oDUt2ucu2s
— BCCI (@BCCI) November 25, 2020
ଭାରତୀୟ ଟିମ ମୈଦାନରେ ଭଲ ପ୍ରଦର୍ଶନ ପାଇଁ କୌଣସି ଅଭାବ ରଖିନାହିଁ । ବୁଧବାର ବିସିସିଆଇ ପକ୍ଷରୁ ଟିମ୍ ଇଣ୍ଡିଆ ଅଭ୍ୟାସ କରୁଥିବାର ଫଟୋ ସେୟାର କରାଯାଇଛି ।
ଏହି ଫଟୋରେ ଦେଖିବାକୁ ମିଳିଛି ଯେ ବୁମରା ତ୍ୟାଗିଙ୍କୁ କିଛିଟା ଗୁରୁତ୍ବପୂର୍ଣ୍ଣ ଟିପ୍ସ ଦେଉଛନ୍ତି । ତ୍ୟାଗି ଟିମ୍ ସହ ନେଟ୍ ବୋଲର ଭାବେ ଅଷ୍ଟ୍ରେଲିଆ ଗସ୍ତ କରିଛନ୍ତି ।
ବିସିସିଆଇ ଏହି ଫଟୋକୁ ଟ୍ବିଟ କରି ଲେଖିଛି, ‘‘ଯେତେବେଳେ ଆପଣଙ୍କ ପାଖରେ ମାର୍ଗଦର୍ଶନ ଦେବାପାଇଁ ସର୍ବୋତ୍ତମ ବ୍ୟକ୍ତି ଥାନ୍ତି ।’’
ଭାରତ ଏହି ଗସ୍ତ ସମୟରେ ଅଷ୍ଟ୍ରେଲିଆ ସହ 3ଟି ଏକଦିବସୀୟ, 3ଟି ଟି-20 ଓ 4ଟି ଟେଷ୍ଟ ଖେଳିବା ନେଇ ସ୍ଥିର ହୋଇଛି ।
ଭାରତ ଏବଂ ଅଷ୍ଟ୍ରେଲିଆ ପ୍ରଥମେ ଦିନିକିଆ ଏବଂ ଟି-20 ରେ ପରସ୍ପର ବିପକ୍ଷରେ ଖେଳିବେ ଏବଂ ତା’ପରେ ଉଭୟ ଦଳ ଖେଳର ଲମ୍ବା ଫର୍ମାଟ ଖେଳିବେ । ଏହି ଶୁକ୍ରବାର ଠାରୁ ଦିନିକିଆ ସିରିଜ ଆରମ୍ଭ ହେବ ।
ଅଧିନାୟକ ବିରାଟ କୋହଲି ଅଷ୍ଟ୍ରେଲିଆ ବିପକ୍ଷରେ କେବଳ ଗୋଟିଏ ଟେଷ୍ଟ ଖେଳିବେ ଏବଂ ଏହାପରେ ସେ ନିଜର ପ୍ରଥମ ସନ୍ତାନ ଜନ୍ମ ପାଇଁ ବିସିସିଆଇର ଅନୁମତି କ୍ରମେ ଭାରତ ଫେରି ଆସିବେ ।
2018-19 ସିରିଜ୍ ସମୟରେ ଭାରତ ଅଷ୍ଟ୍ରେଲିଆ ମାଟିରେ ସେମାନଙ୍କର ପ୍ରଥମ ଟେଷ୍ଟ ସିରିଜ୍ ବିଜୟୀ ହୋଇ ରେକର୍ଡ କରିବାରେ ସଫଳ ହୋଇଥିଲା । କୋହଲିଙ୍କ ନେତୃତ୍ବାଧୀନ ଦଳ ସିରିଜକୁ 2-1ରେ ଜିତିଥିଲା ଏବଂ ବର୍ତ୍ତମାନ ସେମାନେ ବୋର୍ଡର-ଗାଭାସ୍କର ଟ୍ରଫିରେ ବିଜୟ ବଜାୟ ରଖିବାକୁ ଚାହିଁବେ ।
ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ପ୍ରଥମ ଟେଷ୍ଟ ଡିସେମ୍ବର 17ରୁ ଆଡିଲେଡ୍ ଓଭାଲରେ ଆରମ୍ଭ ହେବ ଯାହା କି ଏକ ଦିବା-ରାତ୍ର ଟେଷ୍ଟ ହେବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
