ପୁନେ: ଇଂଲଣ୍ଡ ବିପକ୍ଷ ରୋମାଞ୍ଚକର ତୃତୀୟ ଦିନିକିଆକୁ 7 ରନ୍ରେ ଜିତିବା ସହ ଦିନିକିଆ ସିରିଜକୁ 2-1ରେ ବିଜୟୀ ହୋଇଛି ଭାରତ । ମହାରାଷ୍ଟ୍ର କ୍ରିକେଟ ଆସୋସିଏସନ ଷ୍ଟାଡିୟମରେ ଖେଳାଯାଇଥିବା ଏହି ମ୍ୟାଚରେ ଶେଷ ବଲ୍ ପର୍ଯ୍ୟନ୍ତ ରୋମାଞ୍ଚ ଭରି ରହିଥିଲା ।
330 ରନର ବିଜୟ ଲକ୍ଷ୍ୟକୁ ପିଛା କରିଥିବା ଇଂଲଣ୍ଡ ପକ୍ଷରୁ ଅଲରାଉଣ୍ଡର ସାମ କରନ 83 ବଲ୍ରୁ 95 ରନର ଦମଦାର ଇଂନିସ ଖେଳିଥିଲେ ମଧ୍ୟ ଦଳକୁ ବିଜୟୀ କରାଇପାରିନଥିଲେ । ଏକ ସମୟରେ 200 ରନରେ 7 ୱିକେଟ ହରାଇଥିବା ଭ୍ରମଣକାରୀ ଦଳ 330 ରନର ବିଜୟ ଲକ୍ଷ୍ୟକୁ ସହଜରେ ହାସଲ କରିନେବା ସମ୍ଭାବନା ସୃଷ୍ଟି ହୋଇଥିଲା । ତେବେ ମ୍ୟାଚର ଶେଷ ଭାଗରେ ଭାରତୀୟ ବୋଲରଙ୍କ କମାଲ ଯୋଗୁଁ ବିଜୟୀ ହୋଇଥିଲା ଦଳ ।
ପୂର୍ବରୁ ଋଷଭ ପନ୍ତଙ୍କ 78, ଶିଖର ଧାୱନଙ୍କ 67 ଓ ହାର୍ଦ୍ଦିକ ପାଣ୍ଡ୍ୟାଙ୍କ 64 ରନର ବଳରେ ଭାରତର 329 ରନ କରିଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
