ହାଇଦ୍ରାବାଦ: ଦକ୍ଷିଣ ଆଫ୍ରିକା ବିପକ୍ଷ 2ୟ ଅନଅଫସିଆଲ ଟେଷ୍ଟ ଡ୍ର ରେ ଶେଷ ହୋଇଛି । ଭାରତ-ଏ ପକ୍ଷରୁ ଓପନର ପ୍ରିୟଙ୍କ ପଞ୍ଚଲଙ୍କ ଦମଦାର ଶତକ ହାସଲ କରିଛନ୍ତି । ସିରିଜରେ ଭାରତ ଏ 1-0ରେ ଆଗୁଆ ରହିଛି ।
ଭାରତ ଏ ପ୍ରଥମ ଇଂନିସରେ 417 ରନରେ ଅଲଆଉଟ ହୋଇଥିଲା । ଶୁଭମନ ଗିଲ 92, କରୁନ ନାୟର 78, ଶିବମ ଦୁବେ 68 ଓ ରିଦ୍ଧିମାନ ଶାହା 60 ରନ କରିଥିଲେ । ଜବାବରେ ଦକ୍ଷିଣ ଆଫ୍ରିକା ଏ ଆଡେମ ମାକ୍ରମଙ୍କ 161 ଓ ୱିଆନ ମଲଡରଙ୍କ ଅପରାଜିତ 131ରନ ବଳରେ 400 ରନ କରିଥିଲା ।
2ୟ ଇଂନିସରେ ଗୁଜୁରାଟ ବ୍ୟାଟ୍ସମ୍ୟାନ ପଞ୍ଚଲଙ୍କ 109 ରନ ପରେ ଇଂନିସ ଘୋଷଣା କରିଥିଲା ଭାରତ ଏ । ତେବେ 219 ର ଅଗ୍ରଣୀ ଲାଭ କରିଥିଲେ ମଧ୍ୟ ଶେଷ ଦିନରେ ମ୍ୟାଚ ଅମୀମାଂଶିତ ଭାବେ ଶେଷ ହୋଇଥିଲା ।
