ପୁନେ: ଭାରତ ଓ ଇଂଲଣ୍ଡ ମଧ୍ୟରେ ଖେଳାଯାଉଥିବା ପ୍ରଥମ ଦିନିକିଆ ମ୍ୟାଚରେ ଏକ ନିଆରା ଘଟଣା ଘଟିଛି । ମ୍ୟାଚର ତୃତୀୟ ଓଭରର 4ର୍ଥ ବଲ୍ରେ ଭାରତୀୟ ଓପନର ଶିଖର ଧାୱନ, ମାର୍କ ଉଡଙ୍କ ଏକ ବଲ୍କୁ ବାଉଣ୍ଡ୍ରି ବାହାରକୁ ପଠାଇ ଦେଇଥିଲେ । ଏହା ମ୍ୟାଚର ପ୍ରଥମ ଚୌକା ଥିଲା । ତେବେ ଧାୱନଙ୍କ ଏହି ସଟ୍ରେ ବଲ୍ର ଲେଦର ବାହାରିପଡିଥିଲା ଓ ବଲ୍ରେ ଛିଦ୍ର (ହୋଲ୍) ହୋଇଯାଇଥିବା ଦେଖାଯାଇଥିଲା ।
ଏହା ନୂଆ ବଲ୍ ଥିଲା ଓ ମାତ୍ର 16ଟି ବଲ୍ ଖେଳାଯାଇଥିଲା । ବଲ୍ରେ ଏକ ବଡ ହୋଲ୍ ହୋଇଯାଇଥିଲା । ସେତେବେଳେ ଭାରତର ସ୍କୋର 16 ରହିଥିଲା । ତେବେ ହ୍ବାଇଟ ବଲ୍ର ଲେଦର କିପରି ଏତେ ଶୀଘ୍ର ଖରାପ ହୋଇଗଲା ଓ ବାହାରକୁ ଆସିଗଲା ନିର୍ଦ୍ଦିଷ୍ଟ କାରଣ ଜଣାପଡିନାହିଁ ।
ତେବେ ଇଂଲିସ ବୋଲର ମାର୍କ ଉଡ ଅଧିକ ବେଗରେ ବୋଲିଂ କରୁଥିବାରୁ ଏପରି ଘଟିଥିବା ଚର୍ଚ୍ଚା ହେଉଛି । ମାତ୍ର ଧାୱନ ଜୋରଦାର ସଟ୍ ଲଗାଇଥିଲେ ଓ ବଲ୍ ଘଣ୍ଟାପ୍ରତି 145.1km/h ଥିଲା । ଏହିକାରଣରୁ ବଲ୍ ଖରାପ ହୋଇଥାଇପାରେ ବେଲି ଅନୁମାନ କରାଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
