ଲାହୋର: ପୂର୍ବତନ ପାକ୍ ବ୍ୟାଟ୍ସମ୍ୟାନ ଇଜାଜ୍ ଅହମ୍ମଦ ଅଣ୍ଡର-19 କ୍ରିକେଟ ଟିମର ମୁଖ୍ୟ କୋଚ ଭାବେ ଦାୟିତ୍ବ ଗ୍ରହଣ କରିଛନ୍ତି । ତେବେ ଗତ ସୋମବାର ପାକିସ୍ତାନ କ୍ରିକେଟ ବୋର୍ଡ (ପିସିବି) ଏହି ନିଷ୍ପତ୍ତି ନେଇଛି । ତେବେ ତାଙ୍କର କାର୍ଯ୍ୟକାଳ ସମୟ 3ବର୍ଷ ରହିଛି ।
ତେବେ ଏହି ଗୁରୁ ଦାୟିତ୍ବ ପାଇ ଇଜାଜ୍ ଅହମ୍ମଦ କହିଛନ୍ତି ଯେ, ପିସିବି ମୋ ଉପରେ ଭରସା କରିଛି ସେଥିପାଇଁ କୃତଜ୍ଞ ଜ୍ଞାପନ କରୁଛି । ଜୁନିୟର କ୍ରିକେଟ ଟିମ ଦେଶର ଲାଇଫଲାଇନ । ମୁଁ ଏହି ଦାୟିତ୍ବ ପାଇଁ ପ୍ରସ୍ତୁତ ଅଛି ।
ସୂଚନାଥାଉକି, 2009ରୁ ପ୍ରଶିକ୍ଷକ ଭାବେ କାମ କରୁଥିବା ଇଜାଜ୍ ଅହମ୍ମଦ ପାକିସ୍ତାନ'ଏ' ଅଣ୍ଡର-19 ଟିମ୍ର କୋଚ ରହିଛନ୍ତି । 2010 ମସିହାରେ ଇଜାଜ୍ କିଛି ଦିନ ପାଇଁ ସିନିୟର ଟିମର ବି କୋଚ୍ ରହିଛନ୍ତି ।
ତେବେ ସେପ୍ଟେମ୍ବର5ରୁ ଆରମ୍ଭ ହେବାକୁ ଥିବା ଅଣ୍ଡର-19 ଏସିଆ କପ୍ କ୍ରିକେଟ ଟୁର୍ଣ୍ଣାମେଣ୍ଟରେ ପାକ୍ ଟିମ୍ର ମୁଖ୍ୟ କୋଚ ଭାବେ ଇଜାଜ୍ ଦାୟିତ୍ବ ଗ୍ରହଣ କରିବେ ।
