ନୂଆଦିଲ୍ଲୀ: ପୂର୍ବତନ ଭାରତୀୟ ଅଧିନାୟକ ମହେନ୍ଦ୍ର ସିଂହ ଧୋନିଙ୍କୁ ଆଧୁନିକ କ୍ରିକେଟର ଶ୍ରେଷ୍ଠ ୱିକେଟ କିପର ଭାବେ ବିବେଚିତ କରାଯାଏ । ଷ୍ଟମ୍ସ ପଛରେ ଠିଆ ହୋଇ ଧୋନି କ୍ବିକ ଷ୍ଟମ୍ପିଂ ଓ ବିଚକ୍ଷଣ କ୍ୟାଚ ନେଇଛନ୍ତି । କିପର ଭାବେ ଧୋନିଙ୍କ ବିଚକ୍ଷଣ ପ୍ରଦର୍ଶନ ଯୋଗୁଁ ଭାରତ ଅନେକ ଥର ମ୍ୟାଚ ଜିତାଇଛନ୍ତି ।
2016 ଟି-20 ବିଶ୍ବକପରେ, ଧୋନି ବାଂଲାଦେଶ ବ୍ୟାଟ୍ସମ୍ୟାନ ସବ୍ବୀର ରହମାନଙ୍କୁ ଷ୍ଟମ୍ପିଂ କରି ଆଉଟ କରିଥିଲେ ଏବଂ ମ୍ୟାଚକୁ ବଦଳାଇ ଦେଇଥିଲେ । ଆଉ ଭାରତ 1 ରନର ମ୍ୟାଚ ଯିତି ନେଇଥିଲା ।
2019 ବିଶ୍ବକପରେ ଗତ ବର୍ଷ ଶବ୍ବୀରଙ୍କୁ ଷ୍ଟମ୍ପିଂ କରି ଆଉଟ କରିବାର ଆଉ ଏକ ସୁଯୋଗ ପାଇଥିଲେ ଧୋନି । କିନ୍ତୁ ଏଥର ବେଶ ସଜାଗ ଥିଲେ ସବ୍ବୀର ।
ଯେତେବେଳେ ସବ୍ବୀର ଚହଲଙ୍କ ଏକ ଧୀମା ବଲରେ ବଡ ସଟ ଖେଳିବାକୁ କ୍ରିଜ ଆଗକୁ ବଢ଼ିଥିଲେ କିନ୍ତୁ ସେ ଆଗୁଆ ସଟ ଖେଳିବାରୁ ବଲ ତାଙ୍କ ବ୍ୟାଟ ତଳୁ ଗଳିଯାଇ ଧୋନିଙ୍କ ପାଖରେ ପହଁଞ୍ଚିଥିଲା ।
ତେବେ ଏନେଇ ସବ୍ବୀର କହିଛନ୍ତି, ‘‘ଧୋନି 2016 ବିଶ୍ବକପ ବେଳେ ବେଙ୍ଗାଲୁରୁ ଠାରେ ମତେ ଷ୍ଟମ୍ପିଂ କରି ଆଉଟ କରି ଦେଇଥିଲେ । ତେବେ ଗତବର୍ଷ ମଧ୍ୟ ବିଶ୍ବକପରେ ଏପରି ଏକ ସୁଯୋଗ ପାଇଥିଲେ । କିନ୍ତୁ ଏଥର ମୁଁ ସଜାଗ ହୋଇଯାଇଥିଲି ଆଉ କ୍ରିଜ ଭିତରକୁ ପାଦ ନେଇଯାଇଥିଲି ଆଉ ତାଙ୍କୁ କହିଥିଲେ ‘ଆଜି ନୁହେଁ’ ।
ଧୋନି କିପରି ବଡ ଛକା ମାରନ୍ତି ସେ ବିଷୟରେ ଯେତେବେଳେ ସବ୍ବୀର ତାଙ୍କୁ ପଚାରିଥିଲେ ସେ କଥା ମଧୟ ସେ ମନେ ପକାଇଥିଲେ । ‘‘ମୁଁ ତାଙ୍କୁ ପଚାରିଥିଲେ ଏତେ ବଡ ବଡ ଛକା ମାରିବାର ତାଙ୍କ ସିକ୍ରେଟ କଣ । ଧୋନି କହିଥିଲେ ଏହା କେବଳ ଆତ୍ମ ବିଶ୍ବାସର କଥା ।’’
“ମୁଁ ତାଙ୍କୁ କହିଥିଲି ଭାରତ ବିପକ୍ଷରେ ଖେଳିବା ବେଳେ ମତେ ତାଙ୍କ ବ୍ୟାଟ ସେ ଦିଅନ୍ତୁ । ଧୋନି କହିଥିଲେ ଯେ ସେ ମୋତେ ତାଙ୍କ ବ୍ୟାଟ ଦେଇପାରିବେ କିନ୍ତୁ ମୁଁ ଭାରତ ବିପକ୍ଷ ମ୍ୟାଚରେ ଏହାକୁ ବ୍ୟବହାର କରିପାରିବି ନାହିଁ । ମୁଁ ଏହା ସହ ଅନ୍ୟ ଦଳ ବିପକ୍ଷରେ ଖେଳିପାରେ ବୋଲି ସେ କହିଥିଲେ ।’’
