ନୂଆଦିଲ୍ଲୀ: ଆଇପିଏଲ ଫର୍ମ ବଳବତ୍ତର ରଖିବା ଲକ୍ଷ୍ୟରେ ଦକ୍ଷିଣ ଆଫ୍ରିକା ଦ୍ରୁତ ବୋଲର କାଗିସୋ ରବାଡା । ଆଇପିଏଲ 2020ରେ ଦମଦାର ପ୍ରଦର୍ଶନ ସହ ପର୍ପଲ କ୍ୟାପ ବିଜେତା ରହିଥିଲେ ରବାଡା । ଫଳରେ ଏହି ଫର୍ମକୁ ଜାତୀୟ ଟିମ(ଦକ୍ଷିଣ ଆଫ୍ରିକା) ପକ୍ଷରୁ ଖେଳି ଇଂଲଣ୍ଡ ବିପକ୍ଷ ସିରିଜରେ ବଳବତ୍ତର ରଖିବା ଲକ୍ଷ୍ୟରେ ରହିଛନ୍ତି ରବାଡା ।
ସଦ୍ୟ ସମାପ୍ତ ଆଇପିଏଲର 13ତମ ସଂସ୍କରଣରେ ରବାଡା ଦିଲ୍ଲୀ କ୍ୟାପିଟାଲ୍ସ ପକ୍ଷରୁ ଖେଳି 30 ୱିକେଟ ଅକ୍ତିଆର କରିଥିଲେ । ଫଳରେ ଦିଲ୍ଲୀ ଫ୍ରାଞ୍ଚାଇଜ ପ୍ରଥମ ଥର ଆଇପିଏଲ ଫାଇନାଲ ଖେଳିଥିଲା ।
"ଇଂଲଣ୍ଡ ବିପକ୍ଷ ସିରିଜ ଉତ୍ସାହଜନକ ହେବ । ଆଇପିଏଲ ଫର୍ମକୁ ଜାତୀୟ ଟିମ ପାଇଁ ଜାରି ରଖିବା ନେଇ ଆଶାବାଦୀ ରହିଛି । ଏହା କହିଛନ୍ତି ରବାଡା ।"
