ନୂଆଦିଲ୍ଲୀ: ଇଣ୍ଟରନାଶନାଲ ପାନେଲର ମ୍ୟାଚ ରେଫରି ଭାବେ ନିଯୁକ୍ତ ହୋଇଛନ୍ତି ଜିଏସ ଲକ୍ଷ୍ମୀ । ଆଇସିସି ପକ୍ଷରୁ ତାଙ୍କୁ ନିଯୁକ୍ତି ମିଳିଛି । ଫଳରେ ପ୍ରଥମ ମହିଳା ଭାବେ ସେ ଏହି ଗୌରବର ଅଧିକାରୀ ହୋଇଛନ୍ତି ।
51 ବର୍ଷିୟା ଲକ୍ଷ୍ମୀ ପୂର୍ବରୁ ବର୍ଷ 2008-09ରେ, ଘରୋଇ ମହିଳା ଦଳରେ ମ୍ୟାଚ ରେଫରି ଥିଲେ । ପରେ 3ଟି ମହିଳା ଅନ୍ତର୍ଜାତୀୟ ମ୍ୟାଚ ଓ 3ଟି ଟି-20 ମ୍ୟାଚରେ ମ୍ୟାଚ ରେଫରିର ଦାୟିତ୍ବ ତୁଲାଇ ଥିଲେ ।
ଲକ୍ଷ୍ମୀ ନିଜ ପ୍ରତିକ୍ରିୟାରେ ଆଇସିସି ଓ ବିସିସିଆଇକୁ ଧନ୍ୟବାଦ ଜଣାଇଛନ୍ତି । ଏହାସହ ସେ ନିଜ ପରିବାର, ସିନିୟର କ୍ରିକେଟର ଓ ସହଯୋଗୀଙ୍କୁ ଧନ୍ୟବାଦ ଜଣାଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
