ନୂଆଦିଲ୍ଲୀ: ସେପ୍ଟେମ୍ବର 5 ଗୁରୁ ଦିବସ ଅବସରରେ ଭାରତୀୟ କ୍ରିକେଟ ଟିମ କ୍ୟାପଟେନ ବିରାଟ କୋହଲି ପିଲାଦିନର କୋଚ ରାଜକୁମାର ଶର୍ମାଙ୍କୁ ସ୍ମରଣ କରିଛନ୍ତି । ପ୍ରାରମ୍ଭିକ କ୍ରିକେଟ ଶିକ୍ଷା ପାଇଁ ସଦା ସର୍ବଦା କୃତଜ୍ଞ ରହିବେ ବୋଲି କୋହଲି କହିଛନ୍ତି ।
ନିଜ ଇନଷ୍ଟାଗ୍ରାମ ଆକାଉଣ୍ଟରେ କୋହଲି କ୍ରିକେଟ କୋଚଙ୍କ ସହ ଏକ ଫଟୋ ସେୟାର କରିବା ସହ ମହତ୍ବପୂର୍ଣ୍ଣ ଶିକ୍ଷା ପାଇଁ ସାରାଜୀବନ କୃତଜ୍ଞ ରହିବେ ବୋଲି କହିଛନ୍ତି ।
31 ବର୍ଷୀୟ କୋହଲି 18 ଅଗଷ୍ଟ 2018ରେ ଡାମ୍ବୁଲାରେ ଶ୍ରୀଲଙ୍କା ବିପକ୍ଷରେ ପ୍ରଥମ ଦିନିକିଆ ମ୍ୟାଚ ଖେଳିଥିଲେ । ତେବେ ପ୍ରଥମ ମ୍ୟାଚରେ ମାତ୍ର 12 ରନ କରିଥିଲେ କୋହଲି । ଏହାର 14ଟି ମ୍ୟାଚ ପରେ ବର୍ଷ 2009ରେ କୋଲକାତାରେ ଶ୍ରୀଲଙ୍କା ବିପକ୍ଷରେ ପ୍ରଥମ ଦିନିକିଆ ଶତକ ହାସଲ କରିଥିଲେ ।
ତେବେ ଏହା ପରେ ବିଶ୍ବ କ୍ରିକେଟରେ ଅନ୍ୟତମ ସଫଳ କ୍ରିକେଟର ହୋଇପାରିଛନ୍ତି ବିରାଟ କୋହଲି । ଦିନିକିଆ ଫର୍ମାଟରେ 248 ଟି ମ୍ୟାଚରୁ 43 ଶତକ ସହାୟତାରେ 59.33 ହାରରେ 11,867 ରନ ସଂଗ୍ରହ କରିଛନ୍ତି । 183 ରନ ତାଙ୍କର ସର୍ବାଧିକ ବ୍ୟକ୍ତିଗତ ଏକଦିବସୀୟ ସ୍କୋର ।
ବ୍ୟୁରୋ ରିପୋର୍ଟ, ଇଟିଭି ଭାରତ
