ଲାହୋର: ଆରପାରିରେ ପାକିସ୍ତାନର ପୂର୍ବତନ ଘାତକ ଲେଗ୍ ସ୍ପିନର ଅବଦୁଲ୍ କାଦିର । ଶୁକ୍ରବାର ଦିନ ହୃଦଘାତ ଯୋଗୁଁ ତାଙ୍କର ଦେହାନ୍ତ ହୋଇଛି । କାଦିରଙ୍କ ପରିବାରବର୍ଗ ଏହାର ସୂଚନା ଦେଇଛନ୍ତି ।
କ୍ରିକେଟର ଅବଦୁଲ୍ କାଦିରଙ୍କ ପୁଅ ମିଡିଆକୁ ଖବର ଦେଇ କହିଛନ୍ତି ଯେ, ମୋ ବାପାଙ୍କର ହୃଦୟ ଜନିତ ସମସ୍ୟା ନଥିଲା । ହଠାତ୍ ହୃଦଘାତ ହେବାରୁ ବାପାଙ୍କ ନିଧନ ହୋଇଛି ।
ସୂଚନାଥାଉକି, 63ବର୍ଷୀୟ କାଦିର ନିଜ ଦେଶ ପାଇଁ 67 ଟେଷ୍ଟ ମ୍ୟାଚ ଖେଳି 236 ଓ୍ବିକେଟ ହାସଲ କରିଥିଲେ । ଏଥିସହ ସେ ପାକିସ୍ତାନ କ୍ରିକେଟ ବୋର୍ଡ(ପିସିବି)ର ମୁଖ୍ୟ ଚୟନକର୍ତ୍ତା ଭାବେ କାର୍ଯ୍ୟ ସମ୍ପାଦନ କରିଛନ୍ତି ।
ପୂର୍ବ ପାକିସ୍ତାନ ଅଧିନାୟକ ଇମରାନ ଖାନଙ୍କ ପ୍ରିୟ ବୋଲର ଥିଲେ ଅବଦୁଲ୍ କାଦିର । ସେ 1977 ମସିହାରେ ଇଂଲଣ୍ଡ ବିପକ୍ଷରେ ନିଜର ଟେଷ୍ଟ ଡେବ୍ୟୁ ମ୍ୟାଚ ଖେଳିଥିଲେ । ଟେଷ୍ଟ କ୍ରିକେଟରେ ତାଙ୍କର ବେଷ୍ଟ ଫିଗର ଇଂଲଣ୍ଡ ବିପକ୍ଷରେ 9/65 ରହିଛି ।
ଏଠାରେ ସୂଚନାଯୋଗ୍ୟ, 1993ମସିହାରେ ସେ ନିଜର ଅନ୍ତିମ ଅନ୍ତରାଷ୍ଟ୍ରୀୟ ମ୍ୟାଚ ଖେଳିଥିଲେ ।
