ଭୁବନେଶ୍ବର: ଜାନୁଆରୀ ଶେଷ ସପ୍ତାହରେ ଯାଜପୁରର କଳିଙ୍ଗ ନଗରରେ ହେବାକୁ ଯାଉଛି ସର୍ବଭାରତୀୟ ଦିବ୍ୟାଙ୍ଗ ହ୍ଵିଲଚେୟାର ଟି-ଟ୍ଵେଣ୍ଟି କ୍ରିକେଟ ଟୁର୍ଣାମେଣ୍ଟ । 3ଦିନ ଧରି ଚାଲିବ ଏହି ମ୍ୟାଚ ।
ପ୍ରଥମ ଥର ଓଡିଶାରେ ଜାତୀୟସ୍ତରୀୟ ହ୍ଵିଲଚେୟାର କ୍ରିକେଟ ଟୁର୍ଣ୍ଣାମେଣ୍ଟ
ଏହି ଟୁର୍ଣ୍ଣାମେଣ୍ଟ ପ୍ରଥମ ଥର ପାଇଁ ଓଡିଶାରେ ଆୟୋଜିତ ହେବ । ଏଥିରେ ଦିଲ୍ଲୀ, ମହାରାଷ୍ଟ୍ର, ଉତ୍ତରାଖଣ୍ଡ ଓ ଓଡିଶାର ଟିମ୍ ଭାଗ ନେବେ । ଏନେଇ ମଙ୍ଗଳବାର ଦିନ ଲୋକସେବା ଭବନରେ ରାଜ୍ୟ ଦିବ୍ୟାଙ୍ଗ ହ୍ଵିଲଚେୟାର କ୍ରିକେଟ ଆସୋସିଏସନ ସମ୍ପାଦକ ଅଭୟ କୁମାର ଜେନା କ୍ରୀଡାମନ୍ତ୍ରୀ ତୁଷାରକାନ୍ତି ବେହେରାଙ୍କୁ ନିମନ୍ତ୍ରଣ କରିଛନ୍ତି ।
ଏଥିସହ ଓଡିଶା ସରକାର ଏହି ଖେଳକୁ ସହଯୋଗ ପାଇଁ କାମନା କରିଛନ୍ତି ଅଭୟ ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
