ଲଣ୍ଡନ: ଇଂଲଣ୍ଡ ୱିକେଟ କିପର ବ୍ୟାଟ୍ସମ୍ୟାନ ଜସ ବଟଲର କ୍ରିକେଟରେ ନିଜର ଆଦର୍ଶ ଖେଳାଳିଙ୍କ ନାମ ଖୁଲାସା କରିଛନ୍ତି । ଦକ୍ଷିଣ ଆଫ୍ରିକାର ବିସ୍ପୋରକ ବ୍ୟାଟ୍ସମ୍ୟାନ ଏବି ଡିଭିଲିୟର୍ସଙ୍କୁ ନିଜ ଆଦର୍ଶ ବୋଲି କହିଛନ୍ତି ବଟଲର । ପୂର୍ବରୁ ମଧ୍ୟ ଡିଭିଲିୟର୍ସଙ୍କ ପରି ହେବାକୁ ଚାହାନ୍ତି ବୋଲି କହିଛନ୍ତି ଇଂଲଣ୍ଡର ଏହି ଷ୍ଟାର କ୍ରିକେଟର ।
ବଟଲର କହିଛନ୍ତି "ଡିଭିଲିୟର୍ସଙ୍କ ଖେଳ ଦେଖି ବଡ ହେଇଛି । ତାଙ୍କ ଖେଳ ଦେଖିବାକୁ ବହୁତ ଭଲପାଏ, ସେ ବାସ୍ତବିକ ଅବିଶ୍ବସନୀୟ ।" ଆଇପିଏଲ ଟିମ ରାଜସ୍ଥାନ ରୟାଲ୍ସର ଷ୍ଟାର ଖେଳାଳି ରହିଛନ୍ତି ଇଂଲଣ୍ଡ ଷ୍ଟାର ଜସ ବଟଲର । ରୟାଲ୍ସ ପୋଡକାଷ୍ଟର 3ୟ ଏପିସୋଡରେ ଏହା କହିଛନ୍ତି ବଟଲର । ଏହାର ସଂପୂର୍ଣ୍ଣ ସୋ ମଙ୍ଗଳବାର ରାଜସ୍ଥାନ ରୟାଲ୍ସ ପକ୍ଷରୁ ରିଲିଜ କରାଯିବା ନେଇ ସୂଚନା ରହିଛି ।
2019 କ୍ରିକେଟ ବିଶ୍ବକପ ବିଜେତା ଇଂଲଣ୍ଡ ଦଳର ପ୍ରମୁଖ ସଦସ୍ୟ ରହିଛନ୍ତି ଜସ ବଟଲର ।
ବ୍ୟୁରୋ ରିପୋର୍ଟ, ଇଟିଭି ଭାରତ
