ଢାକା: 19ବର୍ଷରୁ କମ କ୍ରିକେଟ ଟିମର ପ୍ରଦର୍ଶନରେ ଖୁସିରେ ଝୁମୁଛି ପୁରା ବାଂଲାଦେଶ । 2020 ଆଇସିସି 19 ବର୍ଷରୁ କମ ବିଶ୍ବକପ ଫାଇନାଲରେ ପ୍ରଥମ ଥର ପ୍ରବେଶ କରିବା ସହ ଚମ୍ପିଆନ ହୋଇଛି ଦଳ । ଜୁନିୟର ବାଂଲାଦେଶ ଟିମର କ୍ୟାପଟେନ ଏହି ମ୍ୟାଚ ପରେ ଦେଶର ଜାତୀୟ ହିରୋ ହୋଇଯାଇଛନ୍ତି । ଫାଇନାଲ ମୁକାବିଲାରେ ଭାରତକୁ ହରାଇବାରେ ପ୍ରମୁଖ ଭୂମିକା ନିଭାଇଥିଲେ କ୍ୟାପଟେନ ଆକବର ଅଲ୍ଲୀ ।
ତେବେ ମ୍ୟାଚ ଫିନିସର ଦାୟିତ୍ବ ଥିବାରୁ ଟିମ ଇଣ୍ଡିଆର ପୂର୍ବତନ କ୍ୟାପଟେନ ଭେଟେରାନ ମହେନ୍ଦ୍ର ସିଂହ ଧୋନିଙ୍କ ସହ ତାଙ୍କର ତୁଳନା କରାଯାଉଛି । ବାଂଲାଦେଶ ଗଣମାଧ୍ୟମ ଓ ପ୍ରଶଂସକ ଧୋନିଙ୍କ ସହ ଆକବର ଅଲ୍ଲୀଙ୍କୁ ତୁଳନା କରିଛନ୍ତି ।
ସଂଯୋଗ ବଶତଃ ଆକବର ଅଲ୍ଲୀ ୱିକେଟ କିପର ସହ କ୍ୟାପଟେନ ଦାୟିତ୍ବରେ ମଧ୍ୟ ରହିଛନ୍ତି । ଏଥିସହିତ ଧୋନିଙ୍କ ପରି 5ନଂ ସ୍ଥାନରେ ବ୍ୟାଟିଂ ଆସି ମ୍ୟାଚରେ ଫିନିସର ଦାୟିତ୍ବ ତୁଲାଇଛନ୍ତି । ପୋଟଚେଷ୍ଟ୍ରମ ଫାଇନାଲ ମୁକାବିଲାରେ ଆକବର ଅଲ୍ଲୀଙ୍କ ଅପରାଜିତ 43 ରନ, ଭାରତକୁ ଆଉ ଏକ ନିଶ୍ଟିନ୍ତ ବିଶ୍ବକପ ବିଜୟରୁ ବଞ୍ଚିତ କରିଥିଲା । 2011 ଦିନିକିଆ ବିଶ୍ବକପରେ ଧୋନି ଶ୍ରୀଲଙ୍କା ବିପକ୍ଷରେ ମ୍ୟାଚ ବିଜୟୀ ଇଂନିସ ଖେଳି ଭାରତକୁ 2ୟ ଥର ବିଶ୍ବକପ ଚମ୍ପିଆନ କରାଇଥିଲେ ।
ତେବେ ଏ ସମସ୍ତ ଚର୍ଚ୍ଚାକୁ ସମ୍ମାନର ସହ ଅସ୍ବୀକୀର କରିଛନ୍ତି ଏହି ଯୁବ କ୍ରିକେଟର । ଧୋନିଙ୍କ ସହ ତାଙ୍କୁ ତୁଳନା ଗ୍ରହଣୀୟ ନୁହେଁ ବୋଲି ସେ କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
