ରାଞ୍ଚି: ଶେଷରେ ଫ୍ୟାନ୍ସଙ୍କ ପ୍ରତୀକ୍ଷାର ଅନ୍ତ ଘଟାଇ ଶେଷ ଟେଷ୍ଟ ମ୍ୟାଚକୁ ଦେଖିବାକୁ ଆସିଛନ୍ତି ରାଞ୍ଚି 'ଲୋକାଲ ବଏ' ଏମଏସ ଧୋନି । ମ୍ୟାଚ ପରେ ଖେଳାଳିଙ୍କ ସହ କିଛି ସମୟ ବିତାଇଛନ୍ତି । ଯୁବ ଖେଳାଳି ଶାହାବାଜ ନଦୀମଙ୍କୁ କିଛି ଟିସ୍ପ ଦେଉଥିବାର ନଜର ମଧ୍ୟ ଆସିଛନ୍ତି ଧୋନି ।
ତେବେ ନିଜ ହୋମ ଗ୍ରାଉଣ୍ଡରେ ମ୍ୟାଚ ହେଉଥିବାରୁ ଧୋନି ଖେଳ ଦେଖିବାକୁ ଆସିବେ କି ନାହିଁ ଏହି ଚର୍ଚ୍ଚା ଜୋର ଧରିଥିଲା । ଫ୍ୟାନ୍ସ ମଧ୍ୟ ଅପେକ୍ଷା କରି ବସିଥିଲେ କ୍ରିକେଟରୁ କିଛି ଦିନ ହେବ ଦୂରରେ ଥିବା ଏହି କିମ୍ବଦନ୍ତୀ କ୍ରିକେଟରଙ୍କର । ତେବେ ବିଶ୍ବର ଏହି ବେଷ୍ଟ ଫିନିସରଙ୍କ ହୋମ ଗ୍ରାଉଣ୍ଡରେ ସିରିଜ ଫିନିଶ୍ କରିଛି ଟିମ ଇଣ୍ଡିଆ। ଦକ୍ଷିଣ ଆଫ୍ରିକା ବିପକ୍ଷ ଘରୋଇ ସିରିଜକୁ 3-0ରେ କ୍ଲିନ ସୁଇପ କରିଛି ଘରୋଇ ଦଳ । 3ୟ ତଥା ଅନ୍ତିମ ମ୍ୟାଚରେ 202ରନ ଓ ଇଂନିସ ବିଜୟ ହୋଇଛି ବିରାଟ ବାହିନୀ।
ତେବେ ଧୋନିଙ୍କ ଆସିବ ନେଇ ମଧ୍ୟ ଦଳର ଖେଳାଳି ଓ କୋଚଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି । ଭାରତୀୟ କୋଚ ରବି ଶାସ୍ତ୍ରୀ ଧୋନିଙ୍କ ସହ ଫଟୋ ଉଠାଇ ଟ୍ବିଟ କରିଛନ୍ତି, "ଏହି ବିରାଟ ବିଜୟ ପରେ କିମ୍ବଦନ୍ତୀଙ୍କୁ ଦେଖି ଖୁସି ଲାଗିଲା । " ସେହିପରି ମ୍ୟାଚ ପରବର୍ତ୍ତୀ ସାମ୍ବାଦିକ ସମ୍ମିଳନୀରେ ଅଧିନାୟକ ବିରାଟ ମଧ୍ୟ ମଜାଳିଆ ଅନ୍ଦାଜରେ ଧୋନିଙ୍କ ଆସିବା କଥା କହିଛନ୍ତି।
