ନୂଆଦିଲ୍ଲୀ: ପୂର୍ବତନ ଭାରତୀୟ ଦ୍ରୁତ ବୋଲର ପ୍ରବୀଣ କୁମାରଙ୍କ ସୁନା ଚେନ ଏବେ ଚର୍ଚ୍ଚାରେ । ପ୍ରବୀଣ କୁମାର ଏକ ମୋଟା ସୁନା ଚେନ ପିନ୍ଧିଥିବା ଫଟୋ ସୋସିଆଲ ମିଡିଆରେ ସେୟାର କରିଛନ୍ତି । ଏହାପରେ କ୍ରିକେଟ ପ୍ରେମୀ ହୋଇଛନ୍ତି ଆଚମ୍ବିତ ।
ପ୍ରବୀଣ ଦାଢି ଲୁକ୍ରେ ଏକ ମୋଟା ସୁନା ଚେନ୍ ପିନ୍ଧିଥିବା ଫଟୋଟି ନିଜର ଇନଷ୍ଟାଗ୍ରାମ ପେଜ୍ରେ ସେୟାର କରିଛନ୍ତି । ଏଥିସହ ସେ ଲେଖିଛନ୍ତି, 'ବହୁତ ଗମ୍ଭୀରରେ ସଞ୍ଜୁ ବାବା । ମା ଦେଖ 50 ତୋଲା' ।
ତେବେ ପ୍ରବୀଣଙ୍କ ସୁନା ଚେନ ପ୍ରତି କ୍ରିକେଟ ଗ୍ରାଉଣ୍ଡରେ ମଧ୍ୟ ଦେଖିବାକୁ ମିଳିଛି । 2014ରେ ସେ ଏକ ବିଜୟ ହଜାରେ ଟ୍ରଫି ମ୍ୟାଚ ଖେଳୁଥିବା ସମୟରେ ତାଙ୍କର ଡ୍ରେସିଙ୍ଗ ରୁମ୍ରୁ 7ଲକ୍ଷ ଟଙ୍କାର ସୁନାଚେନ ଚୋରୀ ମଧ୍ୟ ହୋଇ ଯାଇଥିଲା ।
2018 ମସିହାରେ କ୍ରିକେଟରୁ ସନ୍ନ୍ୟାସ ନେଇଥିଲେ ପ୍ରବୀଣ କୁମାର । ନିଜର କ୍ରିକେଟ ଅନ୍ତର୍ଜାତୀୟ କ୍ୟାରିଅରରେ 6ଟି ଟେଷ୍ଟ, 68ଟି ଦିନିକିଆ ଓ 10ଟି ଟି-20 ମ୍ୟାଚ ଖେଳି ଯଥାକ୍ରମେ 27,77 ଓ 8ଟି ଓ୍ବିକେଟ ନିଜ ନାଁରେ କରିଛନ୍ତି ।
