ସିଡନି: ପୂର୍ବତନ ଅଷ୍ଟ୍ରେଲିଆ ସ୍ପିନର ବ୍ରାଡ ହଗ ଆଜିକାଲି ସୋସିଆଲ ମିଡିଆରେ ବେଶ ସକ୍ରିୟ ରହୁଛନ୍ତି । କୋରୋନା କାରଣରୁ ସମସ୍ତ ଖେଳ ସ୍ଥଗିତ କିମ୍ବା ବାତିଲ ହୋଇଛି । ଏହି ସମୟରେ ହଗ୍ ନିଜ ଫ୍ୟାନ୍ସଙ୍କୁ ଟ୍ବିଟର ସେସନରେ ବ୍ୟସ୍ତ ରଖୁଛନ୍ତି । ତେବେ ଫ୍ୟାନ୍ସ ତାଙ୍କୁ ପଚାରିଥିଲେ ଶ୍ରେଷ୍ଠ ଭାରତୀୟ ଫିଲ୍ଡର କିଏ ବୋଲି, ଯାହାର ଉତ୍ତରରେ ସେ ରବିନ୍ଦ୍ର ଜାଡେଜାଙ୍କୁ ବାଛିଛନ୍ତି ।
ଟ୍ବିଟରରେ ତାଙ୍କୁ ଯେତେବେଳେ ବିରାଟ କୋହଲି, ଯୁବରାଜ ସିଂହ, ଜାଡେଜା, ଓ ସୁରେଶ ରାଇନାଙ୍କ ମଧ୍ୟରୁ ଜଣଙ୍କୁ ବାଛିବାକୁ କୁହାଗଲା, ସେ କହିଥିଲେ ଯେ- ‘‘ସମସ୍ତେ ଶ୍ରେଷ୍ଠ ଖେଳାଳି ଅଟନ୍ତି । କିନ୍ତୁ ମୁଁ ଜାଡେଜାଙ୍କୁ ବାଛିବି ।’’
ପୂର୍ବତନ ଭାରତୀୟ ଟିମର ଟ୍ରେନର ରାମଜୀ ଶ୍ରୀନିବାସନ ମଧ୍ୟ କହିଛନ୍ତି ଯେ, ଜାଡେଜା ଖୁବ ଦୌଡିବା ଅଭ୍ୟାସ କରନ୍ତି ଏହାସହ ଭାରି ଜିନିଷ ଉଠାନ୍ତି ନାହିଁ ।
