କୋଲକାତା: ବିସିସିଆଇ ସଭାପତି ତଥା ପୂର୍ବତନ ଭାରତୀୟ କ୍ରିକେଟ ଟିମର ଅଧିନାୟକ ସୌରଭ ଗାଙ୍ଗୁଲି ଆସନ୍ତାକାଲି(ଗୁରୁବାର) ହସ୍ପିଟାଲରୁ ଡିସଚାର୍ଜ ହେବେ । ଆଜି ତାଙ୍କୁ ଡିସଚାର୍ଜ କରିବାକୁ ଥିବାବେଳେ ଆସନ୍ତାକାଲି ସେ ଡିସଚାର୍ଜ ହେବା ନେଇ ସୂଚନା ମିଳିଛି । ତେବେ ତାଙ୍କୁ ଦେଖିବା ପାଇଁ ଏବେଠୁ ହସ୍ପିଟାଲ ସାମ୍ନାରେ ଭିଡ ଦେଖାଦେଇଛି । ସୌରଭଙ୍କ ପ୍ରଶଂସକ ମାନେ ତାଙ୍କର ଝଲକ ପାଇବା ପାଇଁ ହସ୍ପିଟାଲ ଆଗରେ ଭିଡ ଜମାଇଥିବା ଦେଖିବାକୁ ମିଳିଛି ।
ସୂଚନାଥାଉକି, ଶନିବାର ଛାତିରେ ଯନ୍ତ୍ରଣା ଅନୁଭବ କରିବା ପରେ କୋଲକାତାର ଏକ ହସ୍ପିଟାଲରେ ଭର୍ତ୍ତି ହୋଇଥିଲେ ସୌରଭ । ପରେ ତାଙ୍କର ଆଞ୍ଜିଓପ୍ଲାଷ୍ଟି ଚିକିତ୍ସା କରାଯାଇଥିଲା । ତେବେ ଦେଶର ପ୍ରଖ୍ୟାତ ହୃଦରୋଗ ବିଶେଷଜ୍ଞ ଡାକ୍ତର ଦେବୀ ସେଟ୍ଟୀ ମଙ୍ଗଳବାର ହସ୍ପିଟାଲ ପରିଦର୍ଶନରେ ଆସିବା ସହ ଗାଙ୍ଗୁଲିଙ୍କ ସ୍ବାସ୍ଥ୍ୟବସ୍ଥା ପରଖିଛନ୍ତି ।
ତେବେ ହସ୍ପିଟାଲରେ ସୌରଭଙ୍କୁ ହୃଦରୋଗ ବିଶେଷଜ୍ଞ ଡାକ୍ତର ସରୋଜ ମଣ୍ଡଳଙ୍କ ନେତୃତ୍ବରେ 9 ଜଣିଆ ମେଡିକାଲ ଟିମ ଚିକିତ୍ସା କରୁଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
