ଜୟପୁର: ଆସନ୍ତା ମେ 6ରୁ 11 ଯାଏ ସ୍ଥାନୀୟ ସୱାଇ ମାନସିଂ ଷ୍ଟାଡିୟମଠାରେ ଖେଳାଯିବ ମହିଳା ଆଇପିଏଲ । ତେବେ ଏଥିରେ ମୋଟ 4ଟି ମ୍ୟାଚ ଖେଳାଯିବାକୁ ଥିବା ବେଳେ ସମସ୍ତ ମ୍ୟାଚ ଜୟପୁରଠାରେ ଖେଳାଯିବ । ଅନ୍ୟପଟେ ଚଳିତଥର 3ଟି ଦଳ ମୁହାଁମୁହିଁ ହେବାକୁ ଯାଉଛନ୍ତି । ସୁପରନୋଭାସ, ଟ୍ରାଏଲବ୍ଲେଜର୍ସ ଓ ଭେଲୋସିଟି ନାମକ ତିନୋଟି ଦଳ ରହିଛନ୍ତି । ତେବେ ଏହି ସମସ୍ତ ମ୍ୟାଚ ଆଇପିଏଲର ଫାଇନାଲ ପୂର୍ବରୁ ଖେଳାଯିବ ।
ସୂଚନଥାଉ କି, ଗତ ବର୍ଷଠାରୁ ଆରମ୍ଭ ହୋଇଥିବା ଏହି ମହିଳା ଆଇପିଏଲରେ ସୁପରନୋଭାସ ଓ ଟ୍ରେଲବ୍ଳେଜରସଦୁଇଟି ଦଳ ସାମିଲ ଥିଲେ । ମାତ୍ର ଚଳିତ ଥର ଭେଲୋସିଟି ଦଳ ନୂଆ କରି ଖେଳିବାକୁ ଯାଉଛି । ତେବେ ଭାରତୀୟ ଦଳର ତିନି ପ୍ରମୁଖ ମହିଳା କ୍ରିକେଟର ହରମନପ୍ରିତ କୈାର, ସ୍ମୃତି ମାନ୍ଧାନା ଓ ମିତାଲି ରାଜ ଯଥାକ୍ରମେ ସୁପରନୋଭାସ, ଟ୍ରାଏଲବ୍ଲେଜର୍ସ ଓ ଭେଲୋସିଟି ଦଳର ନେତୃତ୍ବ ନେବେ ।
ଏଥିସହ ଏହି ତିନି ଦଳରେ ଇଂଲଣ୍ଡ, ନ୍ୟୁଜିଲାଣ୍ଡ, ୱେଷ୍ଟଇଣ୍ଡିଜ, ଶ୍ରୀଲଙ୍କା ଏବଂ ବାଂଲାଦେଶର ଅନ୍ତର୍ଜାତୀୟ ମହିଳା କ୍ରିକେଟ ଦଳର ବିଭିନ୍ନ ପ୍ଲେୟାର ସାମିଲ ହୋଇଛନ୍ତି । ମାତ୍ର ଅଷ୍ଟ୍ରେଲିଆ କ୍ରିକେଟ ବୋର୍ଡ ନିଜ ଖେଳାଳିଙ୍କୁ ରିଲିଜ କରିବାକୁ ମନା କରି ଦେବାରୁ ଚଳିତ ଥର କୌଣସି ଅଷ୍ଟ୍ରେଲିଆନ କ୍ରିକେଟର ଦେଖାଯିବେ ନାହିଁ । ଭବିଷ୍ୟତରେ ଭାରତୀୟ ମହିଳା କ୍ରିକେଟ ଦଳରେ ଖେଳିବାକୁ ଥିବା ଖେଳାଳିମାନେ ଏହି ଟୁର୍ଣ୍ଣାମେଣ୍ଟରୁ ଅନେକ କିଛି ଶିଖିବାକୁ ପାଇବେ ବୋଲି ବିସିସିଆଇ କହିଛି ।
ଉଲ୍ଲେଖଯୋଗ୍ୟ ଯେ, ଓଡିଆ ଝିଅ ସୁଶ୍ରୀ ଦିବ୍ୟଦର୍ଶିନୀ ନୂଆ କରି ଖେଳୁଥିବା ଭେଲୋସିଟି ଦଳରେ ସାମିଲ ଅଛନ୍ତି ।
ନଜର ପକାନ୍ତୁ ତିନି ଦଳରେ ସ୍ଥାନ ପାଇଥିବା ଖେଳାଳିଙ୍କ ଉପରେ:-
ସୁପରନୋଭାସ ଦଳ-
- ହରମନପ୍ରିତ କୈାର(ଅଧିନାୟକ), ତାନିଆ ଭାଟିଆ(ୱିକେଟକିପର), ଅନୁଜା ପତି, ଅରୁନ୍ଧତି ରେଡ୍ଡି, ଚମାରି ଆଟାପଟ୍ଟୁ(ଶ୍ରୀଲଙ୍କା), ଯେମିନା ରୋଡ୍ରିଗ୍ସ, ଲିଆ ତାହୁନୁ(ନିଉଜିଲାଣ୍ଡ), ମାନସି ଜୋଶୀ, ନାଟେଲ ସ୍କିଭର(ଇଂଲଣ୍ଡ), ପୁନମ ଯାଦବ, ପ୍ରିୟା ପୁନିଆ, ରାଧା ପି ଯାଦବ, ସୋଫି ଡେଭିନ(ନିଉଜିଲାଣ୍ଡ) । କୋଚ୍- ଡବ୍ଳୁ ଭି ରମନ ।
ଟ୍ରାଏଲବ୍ଲେଜର୍ସ ଦଳ -
- ସ୍ମୃତି ମାନ୍ଧାନା(ଅଧିନାୟକ), ଆର କଳ୍ପନା(ୱିକେଟକିପର), ଭାରତି ଫୁଲମାଲି, ଦୟାଲନ ହେମଲତା, ଦିପ୍ତି ଶର୍ମା, ହାରଲିନ ଦେଓଲ, ଯାସିଆ ଅକ୍ତର, ଝୁଲଣ ଗୋସ୍ବାମୀ, ରାଜେଶ୍ବରୀ ଗାୟାକ୍ବାଡ, ସକିରା ସଲମନ(ୱେଷ୍ଟଇଣ୍ଡିଜ), ସୋଫି ଇକ୍ଲେଷ୍ଟୋନ(ଇଂଲଣ୍ଡ), ଷ୍ଟାଫିନ ଟେଲର(ୱେଷ୍ଟଇଣ୍ଡିଜ), ସୁଜି ବେଟସ(ନିଉଜିଲାଣ୍ଡ) । କୋଚ୍- ବିଜୁ ଜର୍ଜ ।
ଭେଲୋସିଟି-
- ମିତାଲି ରାଜ(ଅଧିନାୟକ), ଭେଦା କ୍ରିଷ୍ଣାମୂର୍ତ୍ତୀ, ସୁଶ୍ରୀ ଦିବ୍ୟାଦର୍ଶିନୀ, ଆମେଲିଆ କର(ନିଉଜିଲାଣ୍ଡ), ଡାନିୟଲ ୱାଟ (ଇଂଲଣ୍ଡ), ଦେବିକା ବୈଦ୍ୟା, ଏକତା ବିଷ୍ଟ, ହେଲି ମ୍ୟାଥୁସ(ୱେଷ୍ଟଇଣ୍ଡିଜ), ଝରଣା ଆଲାମ(ବାଲାଂଦେଶ), କୋମଲ ଝାଞ୍ଜଡ, ସାଫଲି ବର୍ମା, ଶିଖା ପାଣ୍ଡେ, ସୁଷମା ବର୍ମା । କୋଚ୍-ମମତା ମାବେନ ।
ଖେଳସୂଚୀ-
| 6 ମେ, 2019 | ସୁପରନୋଭାସ vs ଟ୍ରାଏଲବ୍ଲେଜର୍ସ | ସୱାଇ ମାନସିଂ ଷ୍ଟାଡିୟମ, ଜୟପୁର |
| 8 ମେ, 2019 | ଟ୍ରାଏଲବ୍ଲେଜର୍ସ vs ଭେଲୋସିଟି | ସୱାଇ ମାନସିଂ ଷ୍ଟାଡିୟମ, ଜୟପୁର |
| 9 ମେ, 2019 | ସୁପରନୋଭାସ vs ଭେଲୋସିଟି | ସୱାଇ ମାନସିଂ ଷ୍ଟାଡିୟମ, ଜୟପୁର |
| 11 ମେ, 2019 | ଫାଇନାଲ– ପ୍ରଥମ ସ୍ଥାନ vs 2ୟ ସ୍ଥାନ | ସୱାଇ ମାନସିଂ ଷ୍ଟାଡିୟମ, ଜୟପୁର |
