ନୂଆଦିଲ୍ଲୀ: ବିଶ୍ବରେ ବାଂଲାଦେଶ ଏକମାତ୍ର ସ୍ଥାନ, ଯେଉଁଠାରେ, ଟିମ ଇଣ୍ଡିଆକୁ ସମର୍ଥନ ମିଳେନି । ଏହା କହିଛନ୍ତି ଟିମ ଇଣ୍ଡିଆ ଓପନର ରୋହିତ ଶର୍ମା।
ବାଂଲାଦେଶ ଓପନର ତମିମ ଇକବାଲଙ୍କ ସହ ଫେସବୁକ ଲାଇଭ ଚାଟ୍ ରେ ଏହା କହିଛନ୍ତି ରୋହିତ । ରୋହିତ କହିଛନ୍ତି ଭାରତ ଓ ବାଂଲାଦେଶ ଦୁଇଟି କ୍ରିକେଟପସନ୍ଦ ଦେଶ । ଉଭୟ ଦେଶରେ ଖରାପ ପ୍ରର୍ଦଶନ ପାଇା ଖେଳାଳିଙ୍କୁ ପ୍ରଶଂସକଙ୍କ ସମାଲୋଚନାର ଶୀକାର ହେବାକୁ ପଡିଥାଏ । କାରଣ କ୍ରିକେଟକୁ ମାତ୍ରଧିକ ଭଲପାଇବା ସହ ନିଜ ଟିମର ବିଜୟ ସବୁବେଳେ ଦେଖିବାକୁ ଚାହାନ୍ତି ଫ୍ୟାନ୍ସ ।
ବାଂଲାଦେଶରେ ଘରୋଇ ଦର୍ଶକଙ୍କ ଉପସ୍ଥିତି ଭାରତୀୟ ଟିମକୁ କୌଣସି ସମର୍ଥନ ମିଳେନି । ସେଥିପାଇଁ ମ୍ୟାଚବେଳେ ଏହା ଅବିଶ୍ବସନୀୟ ପରିସ୍ଥିତି ସୃଷ୍ଟି କରିଥାଏ ।
ଏଥିସହିତ ବାଂଲାଦେଶର ବର୍ତ୍ତମାନର ଟିମକୁ ପ୍ରଶଂସା କରିଛନ୍ତି ରୋହିତ । ଅନେକ ଯୁବ ଓ ଦକ୍ଷ ଖେଳାଳି ଟିମରେ ସାମିଲ ହୋଇଛନ୍ତି । ସେଥିପାଇଁ ଅଭିଜ୍ଞ ଖେଳାଳିଙ୍କ ସହ ଯୁବ ଖେଳାଳିଙ୍କ ମିଶ୍ରିତ ସମନ୍ବୟରେ ଟିମ ଶକ୍ତିଶାଳୀ ହୋଇଥିବା ରୋହିତ କହିଛନ୍ତି ।
