ହାଇଦ୍ରାବାଦ: ପାକିସ୍ତାନ କ୍ରିକେଟ ଟିମର ନୂଆ ଦିନିକିଆ କ୍ୟାପଟେନ ନିଯୁକ୍ତ ହୋଇଛନ୍ତି ଷ୍ଟାର ବ୍ୟାଟ୍ସମ୍ୟାନ ବାବର ଆଜମ । ଏନେଇ ପାକିସ୍ତାନ କ୍ରିକେଟ ବୋର୍ଡ(ପିସିବି) ପକ୍ଷରୁ ଏହି ଘୋଷଣା କରାଯାଇଛି । ଏହି ଘୋଷଣା ପରେ ହ୍ବାଇଟ ବଲ କ୍ରିକେଟରେ ପାକିସ୍ତାନର କ୍ୟାପଟେନ ହୋଇଛନ୍ତି ବାବର ଆଜମ । ପୂର୍ବରୁ କେବଳ ଟି-20 ଟିମର କ୍ୟାପଟେନ ରହିଥିଲେ ବାବର ଆଜମ ।
ବର୍ତ୍ତମାନ ସମୟରେ 3ଟି ଫର୍ମାଟରେ ବିଶ୍ବକ୍ରିକେଟର ଅନ୍ୟତମ ଶ୍ରେଷ୍ଠ ବ୍ୟାଟ୍ସମ୍ୟାନ ବାବର ଆଜମ । ଅଧିନାୟକ ଭାବେ ୱିକେଟ କିପର ବ୍ୟାଟ୍ସମ୍ୟାନ ସର୍ଫରାଜ ଅହମ୍ମଦଙ୍କ ସ୍ଥାନ ନେଇଛନ୍ତି ବାବର । ବର୍ଷ 2020-21 ସିଜିନରେ ଉଭୟ ଟି-20 ଓ ଦିନିକିଆ ଫର୍ମାଟରେ ଅଧିନାୟକତ୍ବ ଇଂନିସ ଆରମ୍ଭ କରିବେ ବାବାର ଆଜମ । ଏହି ସିଜିନରେ ଏସିଆ କପ, ଟି-20 ବିଶ୍ବକପ ବ୍ୟତୀତ, 6ଟି ଦିନିକିଆ ଓ 20ଟି ଟି-20 ମ୍ୟାଚ ଖେଳିବାର ସୂଚୀ ରହିଛି ।
ପାକିସ୍ତାନ ଟେଷ୍ଟ ଟିମ କ୍ୟାପଟେନ ଆଝାର ଅଲ୍ଲୀ ଓ ହ୍ବାଇଟବଲ କ୍ୟାପଟେନ ବାବର ଆଜମଙ୍କୁ ମୁଖ୍ୟ କୋଚ ତଥା ଚୟନକର୍ତ୍ତା ମିଶବାହ ଉଲ-ହକ ଅଭିନନ୍ଦନ ଜଣାଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
