ସିଡନି: ପାଖଉଛି ଫଟାଫଟ କ୍ରିକେଟର ମହାକୁମ୍ଭ ଆଇସିସି ପୁରୁଷ ଟି-20 ବିଶ୍ବକପ । କୋରୋନା ଭାଇରସ ଲକାଡାଉନରେ ଏହି ଟୁର୍ଣ୍ଣାମେଣ୍ଟର ଆୟୋଜନ ନେଇ ଆଶଙ୍କା ଲାଗିରହିଛି । ମାତ୍ର ଅଷ୍ଟ୍ରେଲିଆ ଖୁବଶୀଘ୍ର ଟି-20 ବିଶ୍ବକପ ଦଳ ଘୋଷଣା କରିବା ନେଇ ସୂଚନା ମିଳିଛି ।
ବୋର୍ଡ ପକ୍ଷରୁ ଖୁବଶ୍ରୀଘ୍ର ଟି-20ବିଶ୍ବକପ ଅଷ୍ଟ୍ରେଲିଆ ଦଳ ଘୋଷଣା ହେବ । ସେଥିପାଇଁ ସମସ୍ତ ପ୍ରସ୍ତୁତି ଶେଷ ହୋଇଛି । ଚୁଡାନ୍ତ ଟିମ ପ୍ରସ୍ତୁତିରେ ସବୁବେଳେ ଗୋଟିଏ ଦୁଇଟି ସ୍ଥାନ କଷ୍ଟକର ହୋଇଥାଏ । ସେଥିପାଇଁ ମାତ୍ର କିଛି ଆଲୋଚନା ବାକି ରହିଛି କହିଛନ୍ତି, କ୍ରିକେଟ ଅଷ୍ଟ୍ରେଲିଆର ଚେୟାରମ୍ୟାନ ଟ୍ରାଭେର ହନ୍ସ । ଏଥିସହିତ ଗତ 12ମାସ ମଧ୍ୟରେ ଖେଳାଳିଙ୍କ ପ୍ରଦର୍ଶନକୁ ଭିତ୍ତି କରି ଖେଳାଳି ଚୟନ କରାଯ।ଇଛି ।
କ୍ରିକେଟ ଅଷ୍ଟ୍ରେଲିଆର ଚେୟାରମ୍ୟାନଙ୍କ ଏହି ବୟାନ ଅନ୍ତର୍ଜାତୀୟ କ୍ରିକେଟ ପରିଷଦ(ଆଇସିସି)ର ୱେବସାଇଟରେ ପ୍ରକାଶ ପାଇଛି । ଟି-20 ବିଶ୍ବକପ ଅକ୍ଟୋବର 18ରୁ ନଭେମ୍ବର 15 ପର୍ଯ୍ୟନ୍ତ ଖେଳାଯିବା ନେଇ ସୂଚୀ ରହିଛି । ଅଷ୍ଟ୍ରେଲିଆ ଟିମ ଭାରତ, ଶ୍ରୀଲଙ୍କା, ପାକିସ୍ତାନ ଓ ଦକ୍ଷିଣ ଆଫ୍ରିକା ବିପକ୍ଷରେ ଖେଳିଥିବା ଶେଷ 10ଟି ଟି-20 ସିରିଜରୁ 9ଟିରେ ବିଜୟୀ ହୋଇଛି ।
