ହାଇଦ୍ରାବାଦ: ଐତିହାସିକ ୱାଙ୍ଖଡେ ଷ୍ଟାଡିୟମରେ ଆଇପିଏଲର 14ତମ ସଂସ୍କରଣର ଦ୍ବିତୀୟ ମୁକାବିଲା ଚ଼େନ୍ନାଇ ସୁପର କିଙ୍ଗ୍ସ ଓ ଦିଲ୍ଲୀ କ୍ୟାପିଟାଲ୍ସ ମଧ୍ୟରେ ଖେଳାଯିବ । ଏହି ମ୍ୟାଚରେ ଦିଲ୍ଲୀ କ୍ୟାପିଟାଲ୍ସର ଅଭିଜ୍ଞ ସ୍ପିନର ରବିଚନ୍ଦ୍ରନ ଅଶ୍ବିନ ଏକ ବଡ ରେକର୍ଡର ଅଧିକାରୀ ହେବାର ମୌକାର ରହିଛି ।
ଆଜି ସିଏସକେ ବିପକ୍ଷରେ ଯଦି ଅଶ୍ବିନ ଦୁଇଟି ୱିକେଟ ନେବାର ସଫଳ ହୁଅନ୍ତି, ତେବେ ଟି20 କ୍ରିକେଟରେ 250ତମ ୱିକେଟ ହାସଲକାରୀ ବୋଲର ହୋଇଯିବେ । ଏଯାବତ ଅଶ୍ବିନ , ଟି20 ଫର୍ମାଟରେ 147 ମୁକାବିଲା ଖେଳିଛନ୍ତି ଓ 248 ଖେଳାଳିଙ୍କୁ ଆଉଟ କରି ପାଭିଲିଅନର ରାସ୍ତା ଦେଖାଇଛନ୍ତି ।
34 ବର୍ଷୀୟ ଅଫ୍ସ୍ପିନ ବୋଲର ଅଶ୍ବିନ ବର୍ଷ 2007ରେ ନିଜର ପ୍ରଥମ ଟି20 ମ୍ୟାଚ ଖେଳିଥିଲେ । ପରେ 2010ରେ ଜିମ୍ବାୱେ ବିପକ୍ଷରେ ଟିମ ଇଣ୍ଡିଆରେ ଅନ୍ତର୍ଜାତୀୟ ଟି20 ଡେବ୍ୟୁ କରିଥିଲେ । ଆଇପିଏଲରେ ଅଶ୍ବିନ ପ୍ରଥମ ମ୍ୟାଚ ସିଏସକେ ପକ୍ଷରୁ 2009ରେ ଖେଳିଥିଲେ । ଆଇପିଏଲରେ ଅଶ୍ବିନ, ଚେନ୍ନାଇ ସୁପର କିଙ୍ଗ୍ସ, ରାଇଜିଂ ପୁନେ ସୁପରଜାୟଣ୍ଟ, ପଞ୍ଜାବ କିଙ୍ଗ୍ସ ଓ ଦିଲ୍ଲୀ କ୍ୟାପିଟାଲ୍ସ ପକ୍ଷରୁ ଖେଳିସାରିଛନ୍ତି ।
କେବେ ସିଏସକେର ପ୍ରମୁଖ ଥିବା ଅଶ୍ବିନ ଆଜି ଦିଲ୍ଲୀ ପକ୍ଷରୁ ଖେଳି ଚେନ୍ନାଇ ବିପକ୍ଷରେ ଦୁଇ ୱିକେଟ ହାସଲ କରିବାପରେ, ପିୟୁଷ ଚାୱଲା ଓ ଅମିତ ମିଶ୍ରଙ୍କ ପରେ ତୃତୀୟ ଭାରତୀୟ ବୋଲର ଭାବେ ଟି20 ଫର୍ମାଟରେ 250 ୱିକେଟ କ୍ଳବରେ ସାମିଲ ହେବେ ।
- ପିୟୁଷ ଚାୱଲା - ମ୍ୟାଚ: 249, ୱିକେଟ: 262
- ଅମିତ ମିଶ୍ର - ମ୍ୟାଚ 232, ୱିକେଟ: 256
- ରବିଚନ୍ଦ୍ରନ ଅଶ୍ବିନ - ମ୍ୟାଚ 247, ୱିକେଟ: 248*
- ହରଭଜନ ସିଂହ - ମ୍ୟାଚ: 265, ୱିକେଟ: 235
ବ୍ୟୁରୋ ରିପୋର୍ଟ, ଇଟିଭି ଭାରତ
