କୋଲକାତା: ବେଙ୍ଗଲ କ୍ରିକେଟ ଆସୋସିଏସନ(CAB)ର ବଡ ନିଷ୍ପତ୍ତି । ଆଗାମୀ ସିଜିନ ପାଇଁ ମୁଖ୍ୟ କୋଚ ପଦରେ ଅରୁଣ ଲାଲ କାର୍ଯ୍ୟ ଜାରି ରଖିବେ ବୋଲି ନିଷ୍ପତ୍ତି ହୋଇଛି ।
ଏଥିସହିତ ଉପ୍ପଲ ଚାଟାର୍ଜୀ ସ୍ପିନ ବୋଲିଂ କୋଚ ଓ ରଣଦୀପ ବେସ ବୋଲିଂ କୋଚ ଭାବେ କାର୍ଯ୍ୟ ଜାରି ରଖିବେ । ଜୟଦୀପ ମୁଖାର୍ଜୀ କ୍ରିକେଟ ପରିଚାଳନା ଇନଚାର୍ଜ ଭାବେ ମଧ୍ୟ କାର୍ଯ୍ୟ କରିବା ନେଇ ସିଏବି ପକ୍ଷରୁ ନିଷ୍ପତ୍ତି ହୋଇଛି ।
ଅରୁଣ ଲାଲଙ୍କ ନେତୃତ୍ବରେ ବର୍ଷ 2006-07ରେ ବେଙ୍ଗଲସ ରଣଜୀ ଟ୍ରଫି ଫାଇନାଲରେ ପହଞ୍ଚିଥିଲା । ଏହାପରେ ଦୀର୍ଘ ବର୍ଷର ବ୍ୟବଧାନ ପରେ ଗତ ମାର୍ଚ୍ଚରେ ବେଙ୍ଗଲ ରଣଜୀ ଫାଇନାଲ ଖେଳିଥିଲା । ମାତ୍ର ଫାଇନାଲରେ ସୌରାଷ୍ଟ୍ର ବାଜି ମାରିନେଇଥିଲା । ତେବେ ବେଙ୍ଗଲ ଫାଇନାଲ ପର୍ଯ୍ୟନ୍ତ ପହଞ୍ଚିବାରେ କୋଚ ଅରୁଣ ଲାଲଙ୍କ ପ୍ରମୁଖ ଭୂମିକା ରହିଥିଲା ।
