ନୂଆଦିଲ୍ଲୀ: ଭାରତୀୟ କ୍ରିକେଟ ଟିମର ପୂର୍ବତନ ଅଧିନାୟକ ଅନୀଲ କୁମ୍ବଲେଙ୍କୁ ଆଇପିଏଲ ଟିମ କିଙ୍ଗସ XI ପଞ୍ଜାବର ମୁଖ୍ୟ କୋଚ ଭାବେ ନିଯୁକ୍ତି ଦିଆଯାଇଛି । ଆଇପିଏଲରେ ସେ ଏକ ମାତ୍ର ଭାରତୀୟ କୋଚ। ରିପୋର୍ଟ ଅନୁସାରେ 19 ଅକ୍ଟୋବର ଦିନ ଟିମର ଭବିଷ୍ୟତ ପାଇଁ ତାଙ୍କର କ'ଣ କ'ଣ ଯୋଜନା ରହିଛି ସେନେଇ ସେ ଟିମ ପ୍ରବନ୍ଧନକୁ ସୂଚନା ଦେବେ ।
ସୂଚନାଥାଉକି, କୁମ୍ବଲେ ଟେଷ୍ଟ କ୍ରିକେଟରେ ଭାରତ ପାଇଁ ସର୍ବାଧିକ ଓ୍ବିକେଟ ନେଇଛନ୍ତି । ପଞ୍ଜାବ ଟିମର ମୁଖ୍ୟ କୋଚ ନ୍ୟୁଜିଲାଣ୍ଡର ମାଇକ ହେସନଙ୍କ ସ୍ଥାନରେ କୁମ୍ବଲେ ସ୍ଥାନ ପାଇଛନ୍ତି । ପଞ୍ଜାବ ପୂର୍ବରୁ ବେଙ୍ଗାଲୁରୁ ଓ ମୁମ୍ବାଇ ଦଳ ସହ କୁମ୍ବଲେଙ୍କ ସମ୍ପର୍କ ରହିଛି । ଜୁନ 2016ରେ ସେ ଭାରତୀୟ କ୍ରିକେଟ ଟିମର ମୁଖ୍ୟକୋଚ ଭାବେ ନିଯୁକ୍ତ ହୋଇଥିଲେ ।
