ବେଙ୍ଗଲୁରୁ: 19 ବର୍ଷରୁ କମ କ୍ରିକେଟ ବିଶ୍ବକପ ପାଇଁ ଆରମ୍ଭ ହୋଇଛି କାଉଣ୍ଟଡାଉନ। ଏହି ହାଇପ୍ରୋଫାଇଲ ଜୁନିୟର ବିଶ୍ବକପ ପାଇଁ ଆଉ ମାତ୍ର 30 ଦିନରୁ କମ ସମୟ ରହିଛି। ସବୁ ଟିମ ଜୋରଦାର ପ୍ରସ୍ତୁତି ଚଳାଇଛନ୍ତି। ଭାରତୀୟ ଦଳ ଏହି ଟୁର୍ଣ୍ଣାମେଣ୍ଟ ପାଇଁ ପ୍ରସ୍ତୁତ ବୋଲି କ୍ୟାପଟେନ ପ୍ରିୟମ ଗର୍ଗ ଦୃଢୋକ୍ତି ପ୍ରକାଶ କରିଛନ୍ତି।
ପ୍ରିୟମ କହିଛନ୍ତି ସିନିୟର ଖେଳାଳିଙ୍କ ଠାରୁ ସେ ପରାମର୍ଶ ଗ୍ରହଣ କରୁଛନ୍ତି। କ୍ୟାପଟେନ କୋହଲି, ପୃଥ୍ବୀ ଶଙ୍କ ସହ କଥା ହୋଇଛନ୍ତି। ‘ଦଳ ଉପରେ କୌଣସି ଚାପ ନାହିଁ। ବିଶ୍ବକପ ଭଳି ବଡ ଟୁର୍ଣ୍ଣାମେଣ୍ଟରେ ଭାରତର ପ୍ରତିନିଧିତ୍ବ କରିବାର ସୁଯୋଗକୁ ଦାୟିତ୍ବ ଭାବେ ଗ୍ରହଣ କରିଛି ’, ବୋଲି କହିଛନ୍ତି ପ୍ରିୟମ। ଦଳ ଭଲ ପ୍ରଦର୍ଶନ କରିବ ବୋଲି ସେ ଆଶାବାଦୀ ଅଛନ୍ତି।
ଦକ୍ଷିଣ ଆଫ୍ରିକାରେ 2020 ଜାନୁୟାରୀ 17ରୁ ଫେବୃଆରି 9 ପର୍ଯ୍ୟନ୍ତ ଏହି ଟୁର୍ଣ୍ଣାମେଣ୍ଟ ଖେଳାଯିବ। ଭାରତୀୟ ଦଳ ଏହି ଟୁର୍ଣ୍ଣାମେଣ୍ଟରେ ସବୁଠୁ ସଫଳ ଦଳ । ବର୍ଷ 2000ରେ ମହମ୍ମଦ କୈଫଙ୍କ ନେତ୍ବତ୍ବରେ ଚମ୍ପିଆନ ହୋଇଥିଲା ଭାରତ। ପରେ 2008ରେ ବିରାଟ କୋହଲି, 2012ରେ ଉନ୍ମୁକ୍ତ ଚାନ୍ଦ ଓ ଶେଷଥର ପାଇଁ 2018ରେ ପୃଥ୍ବୀ ଶ ଙ୍କ ନେତୃତ୍ବରେ ଚମ୍ପିଆନ ହୋଇଥିଲା ଭାରତ।
