ଲାହୋର: ଭେଟେରାନ ପାକିସ୍ତାନ କ୍ରିକେଟର ସୋଏବ ଅଖତର ବିନା ଦର୍ଶକରେ କ୍ରିକେଟ ପ୍ରସ୍ତାବକୁ ବିରୋଧ କରିଛନ୍ତି । ମହାମାରୀ କୋରୋନା ଭାଇରସର ପ୍ରଭାବ ବିଶ୍ବବ୍ୟାପୀ କମ ହୋଇନାହିଁ । ମାତ୍ର ଏକାଧିକ କ୍ରୀଡା ଉଭେଣ୍ଟ ବିନା ଦର୍ଶକରେ ଖାଲି ଷ୍ଟାଡିୟମରେ ଆରମ୍ଭ ହୋଇସାରିଛି । କ୍ରିକେଟ ମଧ୍ୟ ଖୁବ ଶ୍ରୀଘ୍ର ଖାଲି ଷ୍ଟାଡିୟମରେ ଆରମ୍ଭ ହେବାର ସମ୍ଭାବନା ରହିଛି ।
ତେବେ ଖାଲି ଷ୍ଟାଡିୟମରେ ବିନା କୌଣସି ଦର୍ଶକଙ୍କ ଉପସ୍ଥିତିରେ କ୍ରିକେଟ ମ୍ୟାଚ ବିନା କନ୍ୟାରେ ବାହାଘର ପରି କହିଛନ୍ତି ରାୱଲପିଣ୍ଡି ଏକ୍ସପ୍ରେସ ସୋଏବ ଅଖତର । ଅଖତର କହିଛନ୍ତି କ୍ରିକେଟ ବୋର୍ଡ ପାଇଁ ଏହା ଆଶ୍ବସ୍ଥି ହୋଇପାରେ । ମାତ୍ର ଏହି ପ୍ରସ୍ତାବ ସପକ୍ଷରେ ସେ ନାହାନ୍ତି ।
ଗୋଟିଏ ବର୍ଷ ମଧ୍ୟରେ ଏହି ମହାମାରୀ ଭାଇରସର ପ୍ରଭାବ ବିଶ୍ବରୁ କମ ହେବ । କ୍ରିକେଟ ପୂର୍ବପରି ପୁଣି ସ୍ବାଭାବିକ ହେବ ବୋଲି ସେ ଆଶାବାଦୀ ଥିବା କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
