କାବୁଲ: ମୁଖ୍ୟ କାର୍ଯ୍ୟନିବାହୀ ଅଧିକାରୀ ଲତପୁଲ୍ଲା ଷ୍ଟାନିକଜାଇଙ୍କୁ ପଦରୁ ହଟାଇଛି ଆଫଗାନିସ୍ତାନ କ୍ରିକେଟ ବୋର୍ଡ(ACB) । ଲତପୁଲ୍ଲାଙ୍କ କାର୍ଯ୍ୟକାଳର ଦୁଇବର୍ଷ ପୂର୍ବରୁ ବୋର୍ଡ ପଦରୁ ବରଖାସ୍ତ କରିଛି ।
ଏସିବି ଚେୟାରମ୍ୟାନ ଫରହାନ ୟୁସୁଫଜାଇ ଷ୍ଟାନିକଜାଇଙ୍କୁ ଏକ ଚିଠି ଲେଖି ସିଇଓ ପଦରୁ ବରଖାସ୍ତ ହୋଇଥିବା ଜଣାଇଥିଲେ । ବୋର୍ଡ ସହ ସଂପର୍କ ଶେଷ କରିବାର କାରଣ ପ୍ରଦର୍ଶନରେ ଅସନ୍ତୁଷ୍ଟ , ମ୍ୟାନେଜରଙ୍କ ସହ ଖରାପ ବ୍ୟବହାର ଓ ପରିଚାଳନାଗତ ତ୍ରୁଟି ବୋଲି ଚେୟାରମ୍ୟାନ ଦର୍ଶାଇଛନ୍ତି । ଏଥିସହିତ 29 ଜୁଲାଇ 2020 ସୁଦ୍ଧା ସମସ୍ତ ଦସ୍ତାବିଜ ଦାଖଲ କରିବାକୁ ଏକ ଅଫିସିଆଲ ଘୋଷଣାନାମାରେ କହିଛନ୍ତି ।
ବୋର୍ଡର ମୁଖ୍ୟ କାର୍ଯ୍ୟନିବାହୀ ପଦ ପାଇଁ ସମସ୍ତ ନିୟମର ପାଳନ ସହ, ନୂଆ ଅଧିକାରୀ ଚୟନ କରାଯିବ ବୋଲି ବୋର୍ଡ ପକ୍ଷରୁ କୁହାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
