ନାପିଏର: ନ୍ୟୁଜିଲାଣ୍ଡ 28 ରନ୍ରେ ବାଂଲାଦେଶକୁ ଦ୍ବିତୀୟ ଟି20ରେ ହରାଇ ମଙ୍ଗଳବାର 3 ମ୍ୟାଚ ବିଶିଷ୍ଟ ଟି20 ସିରିଜକୁ ଆଗୁଆ କବ୍ଜା କରିଛି । ବର୍ଷା ବାଧାପ୍ରାପ୍ତ ମ୍ୟାଚରେ ବାଲାଂଦେଶକୁ ଡକୱର୍ଥ ଲୁଇସ ନୀୟମ ଅନୁଯାୟୀ, 16 ଓଭରରେ 170 ରନ୍ର ବିଜୟ ଲକ୍ଷ୍ୟ ମିଳିଥିଲା । ମାତ୍ର 142 ରନ କରିବାକୁ ସମର୍ଥ ହୋଇଥିଲା ବାଂଲାଦେଶ ।
ପ୍ରଥମେ ବ୍ୟାଟିଂ କରିଥିବା ନ୍ୟୁଜିଲାଣ୍ଡର ସ୍କୋର 18ତମ ଓଭରରେ 173-5 ରହିଥିଲା । ତେବେ ବର୍ଷା ଯୋଗୁଁ ଇଂନିସ କମ ହୋଇଥିଲା ।
ଏହି ସିରିଜ ସହ ଚଳିତ ଘରୋଇ ସିଜିନରେ ନ୍ୟୁଜିଲାଣ୍ଡର ଏହା ସପ୍ତମ ସିରିଜ ବିଜୟ । 4ଟି ଟି20, ଦୁଇଟି ଟେଷ୍ଟ ଓ ଗୋଟିଏ ଦିନିକିଆ ସିରିଜ ଏଥିରେ ସାମିଲ ରହିଛି ।
ବାଂଲାଦେଶ ପକ୍ଷରୁ ସୌମ୍ୟ ସରକାର 25 ବଲ୍ରୁ ଅର୍ଦ୍ଧଶତକ ହାସଲ କରିଥିଲେ ଓ ଦ୍ବିତୀୟ ୱିକେଟ ଯୋଡିରେ ମହମମ୍ଦ ନାଇମଙ୍କ ସହ 81 ରନ୍ ଯୋଡିଥିଲେ । ତେବେ ମ୍ୟାଚର 11ତମ ଓଭରରେ ସୌମ୍ୟ ଆଉଟ୍ ହେବାପରେ ବାଂଲାଦେଶର ବିଜୟ ଆଶା ମଉଳି ଯାଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
