ଜୟପୁର: ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ପ୍ରଥମ ଅନ୍ତର୍ଜାତୀୟ ଟି-୨୦ ମ୍ୟାଚ୍ ସୱାଇ ମାନସିଂ ଷ୍ଟାଡିୟମ ଜୟପୁରରେ ଖେଳାଯାଇଛି । କୋରୋନା ଭାଇରସର ଦ୍ବିତୀୟ ଲହର ପରେ ଏହା ଭାରତରେ ଖେଳାଯାଇଥିବା ପ୍ରଥମ ଅନ୍ତର୍ଜାତୀୟ କ୍ରିକେଟ ମ୍ୟାଚ୍ । ତେବେ ଏହି ମ୍ୟାଚ୍ରେ COVID-19 ନିର୍ଦ୍ଦେଶାବଳୀର ଖୋଲା ଉଲଂଘନ ଦେଖିବାକୁ ମିଳିଥିଲା । ଷ୍ଟାଡିୟମରେ ଉପସ୍ଥିତ ଥିବା ଦର୍ଶକ ସଂଖ୍ୟାର ଏକ ବଡ ଅଂଶ ଓ ସ୍ଥାନୀୟ ପୋଲିସ କର୍ମୀଙ୍କୁ ବିନା ମାସ୍କରେ ଦେଖାଯାଇଥିଲା ।
ସିରିଜ ପୂର୍ବରୁ ମ୍ୟାଚ ପାଇଁ ଷ୍ଟାଡିୟମରେ ଦର୍ଶକଙ୍କ ସଂଖ୍ୟାକୁ ସୀମିତ କରାଯାଇନାହିଁ । ମାତ୍ର ଦର୍ଶକଙ୍କୁ ଟିକାକରଣ ଓ RT-PCR ଟେଷ୍ଟର ନେଗେଟିଭ ରିପୋର୍ଟ ପ୍ରମାଣପତ୍ର ଦେଖାଇ ଷ୍ଟାଡିୟମ ଭିତରକୁ ପ୍ରବେଶ ଅନୁମତି ରହିଥିଲା ।
ରାଜସ୍ଥାନ କ୍ରିକେଟ ସଂଘ(RCA) ମ୍ୟାଚ୍ର ସମସ୍ତ ଟିକେଟ ବିକ୍ରି ନେଇ ଆଶା ରଖିଥିଲା ମାତ୍ର ମ୍ୟାଚ୍ ଆରମ୍ଭ ହେବାର ୩୦ ମିନିଟ ପୂର୍ବରୁ ୨୫ହଜାର ଦର୍ଶକ କ୍ଷମତା ବିଶିଷ୍ଟ ଷ୍ଟାଡିୟମ ଅଧାରୁ ଅଧିକ ମଧ୍ୟ ଭରି ନଥିଲା । ସହରରେ ୮ ବର୍ଷ ପରେ ଅନ୍ତର୍ଜାତୀୟ କ୍ରିକେଟ ମ୍ୟାଚ୍ ଖେଳାଯାଉଥିବାରୁ ଦର୍ଶକ ଉତ୍ସାହିତ ଥିଲେ ମାତ୍ର ଷ୍ଟାଡିୟମରେ ଥିବା ଅଧା ଦର୍ଶକ ମାସ୍କ ପିନ୍ଧିବା ଜରୁରୀ ଭାବିନଥିଲେ ।
ଷ୍ଟାଡିୟମ ସୁରକ୍ଷା ଦାୟିତ୍ବରେ ଥିବା ଅନେକ ପୋଲିସ କର୍ମୀଙ୍କୁ ମଧ୍ୟ ବିନା ମାସ୍କରେ ଦେଖାଯାଇଥିଲା ।
ମହାମାରୀ ମଧ୍ୟରେ ଏକା ପ୍ରଥମ ମୌକା ଥିଲା ଯେଉଁଠାରେ ଷ୍ଟାଡିୟମ ଭିତରେ ଦର୍ଶକଙ୍କ ସଂଖ୍ୟା ସ୍ଥିର କରାଯାଇନଥିଲା ।
ଚଳିତ ବର୍ଷ ଭାରତ ଓ ଇଂଲଣ୍ଡ ମଧ୍ୟରେ ଖେଳାଯାଇଥିବା ଟେଷ୍ଟ ସିରଜର ଆୟୋଜନ ଷ୍ଟାଡିୟମର ଦର୍ଶକ କ୍ଷମତାର ୫୦ ପ୍ରତିଶତ ଉପସ୍ଥିତି ନେଇ ଅନୁମତି ରହିଥିଲା । ତେବେ ଏହାପରେ COVID-19 ମାମଲା ବଢିବା ପରେ ଏକଦିବସୀୟ ସିରିଜର ଆୟୋଜନ ଖାଲି ଷ୍ଟାଡିୟମରେ କରାଯାଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
