୩ୟ ଟି୨୦ ପୂର୍ବରୁ ଅଷ୍ଟ୍ରେଲିଆ ସ୍କ୍ବାଡ୍‌ରେ ବଡ଼ ପରିବର୍ତ୍ତନ, ବାଦ୍‌ ପଡ଼ିଲେ ୬ ପ୍ରମୁଖ ଖେଳାଳି

୫ ମ୍ୟାଚ୍‌ ବିଶିଷ୍ଟ ଟି୨୦ ଶୃଙ୍ଖଳାରେ ପ୍ରଥମ ୨ଟି ମ୍ୟାଚ୍‌ ଜିତି ୨-୦ରେ ଆଗୁଆ ରହିଛି ଭାରତ । ଏଥିପାଇଁ ୩ୟ ଟି୨୦ରେ ଅଷ୍ଟ୍ରେଲିଆ ପାଇଁ କର ବା ମର ପରିସ୍ଥିତି ସୃଷ୍ଟି ହୋଇଛି । ହେଲେ ଏହି ଗୁରୁତ୍ବପୂର୍ଣ୍ଣ ମ୍ୟାଚ୍‌ ପୂର୍ବରୁ ସ୍କ୍ବାଡ୍‌ରେ ବଡ଼ ପରିବର୍ତ୍ତନ କରିଛି କ୍ରିକେଟ୍‌ ଅଷ୍ଟ୍ରେଲିଆ । ଅଧିକ ପଢ଼ନ୍ତୁ

ଗୌହାଟୀ: ବିଶ୍ବକପ୍‌ ୨୦୨୩ ପରେ ପରେ ଭାରତ ଓ ଅଷ୍ଟ୍ରେଲିଆ ମଧ୍ୟରେ ଆରମ୍ଭ ହୋଇଥିବା ଟି୨୦ ଶୃଙ୍ଖଳା ଅଧାରୁ ବଡ଼ ପରିବର୍ତ୍ତନ କରିଛି ଅଷ୍ଟ୍ରେଲିଆ । ଏହି ଶୃଙ୍ଖଳାରେ ଏପର୍ଯ୍ୟନ୍ତ ୨ଟି ମ୍ୟାଚ୍‌ ସରିଥିବାବେଳେ ଏହି ଦୁଇଟି ଯାକ ମ୍ୟାଚ୍‌ ଜିତି ଭାରତ ୨-୦ରେ ଆଗୁଆ ରହିଛି । ମଙ୍ଗଳବାର ୩ୟ ବିଜୟ ସହ ସିରିଜ୍‌ କବ୍‌ଜା ଲକ୍ଷ୍ୟରେ ମୈଦାନକୁ ଓହ୍ଲାଇବ ଟିମ୍‌ ଇଣ୍ଡିଆ । ଅନ୍ୟପଟେ ଶୃଙ୍ଖଳାରେ ଜୀବିତ ରହିବାକୁ ହେଲେ ଅଷ୍ଟ୍ରେଲିଆ ପାଇଁ ଏହା କର ବା ମର ପରିସ୍ଥିତି । ଏଭଳି ଗୁରୁତ୍ବପୂର୍ଣ୍ଣ ମ୍ୟାଚ୍‌ ପୂର୍ବରୁ ଦଳରେ ପରିବର୍ତ୍ତନ ପାଇଁ ବଡ଼ ନିଷ୍ପତ୍ତି ନେଇଛି କ୍ରିକେଟ୍‌ ଅଷ୍ଟ୍ରେଲିଆ ।

• JUST IN: Wholesale changes for Australia's T20 squad with six World Cup winners on their way home from India | #INDvAUS

  — cricket.com.au (@cricketcomau) November 28, 2023 " class="align-text-top noRightClick twitterSection" data="

  JUST IN: Wholesale changes for Australia's T20 squad with six World Cup winners on their way home from India | #INDvAUS

  — cricket.com.au (@cricketcomau) November 28, 2023

  ">

  JUST IN: Wholesale changes for Australia's T20 squad with six World Cup winners on their way home from India | #INDvAUS

  — cricket.com.au (@cricketcomau) November 28, 2023

ମଙ୍ଗଳବାର ଅର୍ଥାତ ଆଜି ଗୌହାଟୀରେ ଖେଳାଯିବ ୩ୟ ଟି୨୦ ମ୍ୟାଚ୍‌ । ହେଲେ ଏହି ଗୁରୁତ୍ବପୂର୍ଣ୍ଣ ମ୍ୟାଚ୍‌ ପୂର୍ବରୁ ଦଳର ଅଭିଜ୍ଞ ବ୍ୟାଟର ଷ୍ଟିଭ୍‌ ସ୍ମିଥ୍‌ ଓ ସ୍ପିନର ଆଡାମ ଜାମ୍ପା ସ୍ବଦେଶ ଫେରିଯାଇଛନ୍ତି । ଏନେଇ ଅଷ୍ଟ୍ରେଲିଆର କ୍ରିକେଟ୍‌ ଖବର ପ୍ରସାରଣ କରୁଥିବା ଏକ ସଂସ୍ଥା ସୂଚନା ଦେଇଛି । ଏପରିକି ଗ୍ଲେନ ମ୍ୟାକ୍ସୱେଲ, ମାର୍କସ ଷ୍ଟୋଇନିସ, ଜୋଶ ଇଂଲିଶ୍‌ ଓ ସେନ ଆବଟ୍‌ ମଙ୍ଗଳବାର ୩ୟ ଟି୨୦ ମ୍ୟାଚ୍‌ ପରେ ବୁଧବାର ଘରକୁ ଫେରିବେ । ଦିନିକିଆ ବିଶ୍ବକପ୍‌ ଖେଳିଥିବା ଏହି ଖେଳାଳିମାନେ ୨ ମାସ ହେବ ଭାରତରେ ରହିଛନ୍ତି । ଏମାନଙ୍କ ମଧ୍ୟରୁ ଅଧିକାଂଶ ଖେଳାଳି ବିଶ୍ବକପ୍‌ ପୂର୍ବରୁ ଭାରତ ବିପକ୍ଷ ଦିନିକିଆ ଶୃଙ୍ଖଳା ମଧ୍ୟ ଖେଳିଥିଲେ । ତେଣୁ ସେମାନଙ୍କ ୱାର୍କ୍‌ଲୋଡ୍‌ ମ୍ୟାନେଜମେଣ୍ଟକୁ ଦୃଷ୍ଟିରେ ରଖି କ୍ରିକେଟ ଅଷ୍ଟ୍ରେଲିଆ ଏପରି ନିଷ୍ପତ୍ତି ନେଇଥିବା କୁହାଯାଉଛି ।

ସୂଚନା ଅନୁସାରେ ବିଶ୍ବକପ୍‌ ଫାଇନାଲ୍‌ର ପ୍ଲେୟର ଅଫ୍‌ ଦି ମ୍ୟାଚ୍‌ ବିବେଚିତ ହୋଇଥିବା ଧୂଆଁଧାର ବ୍ୟାଟର ଟ୍ରାଭିସ୍‌ ହେଡ୍‌ କେବଳ ବଳକା ୩ ମ୍ୟାଚ୍‌ର ଅଂଶ ରହିବେ । ଆଶା କରାଯାଉଛି ଯେ ହେଡ୍‌ ୩ୟ ଟି୨୦ ମ୍ୟାଚ୍‌ରେ କଙ୍ଗାରୁ ଦଳ ପାଇଁ ଓପେନିଂ କରିପାରନ୍ତି । ଗୌହାଟୀ ଟି-୨୦ରେ ୱିକେଟ୍‌କିପର ବ୍ୟାଟର ଜୋଶ ଫିଲିପ୍‌ଙ୍କ ସମେତ ବେନ୍‌ ମ୍ୟାକଡେରମୋଟ୍‌, ବେନ୍‌ ଡୱାସୁଇସ୍‌ ଓ ସ୍ପିନର କ୍ରିସ୍‌ ଗ୍ରୀନ୍‌ ଅଷ୍ଟ୍ରେଲିଆ ସ୍କ୍ବାଡ୍‌ରେ ଯୋଗଦେବେ ।

ବଳକା ୩ ମ୍ୟାଚ୍‌ ପାଇଁ ଅଷ୍ଟ୍ରେଲିଆ ସ୍କ୍ବାଡ: ମାଥ୍ୟୁ ୱେଡ୍‌(ଅଧିନାୟକ), ଜାସନ ବେରେନ୍‌ଡ୍ରଫ, ଟିମ୍‌ ଡେଭିଡ୍‌, ନାଥନ ଏଲିସ୍‌, ଆରୋନ୍‌ ହାର୍ଡି, ଟ୍ରାଭିସ ହେଡ୍‌, ତନବୀର ସଙ୍ଘା, ମ୍ୟାଟ୍‌ ଶର୍ଟ, କେନ ରିଚାର୍ଡସନ, ଜୋଶ ଫିଲିପ୍‌, ବେନ୍‌ ମ୍ୟାକଡେରମୋଟ୍‌, ବେନ୍‌ ଡୱାସୁଇସ୍‌, କ୍ରିସ୍‌ ଗ୍ରୀନ୍‌

ବ୍ୟୁରୋ ରିପୋର୍ଟ, ଇଟିଭି ଭାରତ