କଟକ: ଷ୍ଟେଟ୍ ରାଙ୍କିଙ୍ଗ ବ୍ୟାଡମିଣ୍ଟନ(State Ranking Badminton) ପ୍ରତିଯୋଗିତା 2021 ଶେଷ ହୋଇଛି । କଟକ ଜିଲା ବ୍ୟାଡମିଣ୍ଟନ ସଂଘ ପକ୍ଷରୁ ବିଭିନ୍ନ ବୟସ ବର୍ଗରେ ଗତ 22 ତାରିଖରୁ ଆୟୋଜିତ ହୋଇଥିବା ଏହି ମେଗା ପ୍ରତିଯୋଗିତା ଗୁରୁବାର ସଫଳତାର ସହ ଶେଷ ହୋଇଛି ।
ଶେଷ ହେଲା 2021 ଷ୍ଟେଟ୍ ରାଙ୍କିଙ୍ଗ ବ୍ୟାଡମିଣ୍ଟନ ପ୍ରତିଯୋଗିତା
30ଟି ଜିଲ୍ଲାରୁ ମୋଟ 350 ପ୍ରତିଯୋଗୀ ଏହି ପ୍ରତିଯୋଗିତାରେ ଅଂଶଗ୍ରହଣ କରିଥିଲେ । ଅନେକ 19 ବର୍ଷରୁ କମ ବାଳକ ଓ ବାଳିକା ତାରକା ଏହି ପ୍ରତିଯୋଗିତା ମାଧ୍ୟମରେ ଉଚ୍ଚକୋଟିର ପ୍ରଦର୍ଶନ କରିଛନ୍ତି ।
ଏହା ମଧ୍ୟ ପଢନ୍ତୁ: OCA Annual General Meeting: T-20 ମ୍ୟାଚ ପାଇଁ ପ୍ରସ୍ତୁତି ଆରମ୍ଭ
ନିକଟ ଭବିଷ୍ୟତରେ ଜିଲା ସଙ୍ଘ ପକ୍ଷରୁ ଅନେକ ମେଗା ପ୍ରତିଯୋଗିତା ଆୟୋଜନ କରାଯିବା ନେଇ ଯୋଜନା ରହିଛି । ଯାହାଦ୍ବାରା ତୃଣମୂଳ ସ୍ତରରେ ଓଡିଶାରୁ ଅନେକ ଦକ୍ଷ ଖେଳାଳି ଜାତୀୟ ସ୍ତରରେ ସୁନାମ ଅର୍ଜନ କରିପାରିବେ ।
କଟକରୁ ପ୍ରଭୁ କଲ୍ୟାଣ ପାଲ୍, ଇଟିଭି ଭାରତ
