ବେଜିଂ: ବିଶ୍ବର ନଂ-1 ଯୋଡିକୁ ଚକମା ଦେଇଛନ୍ତି ଭାରତୀୟ ଯୋଡି । ଭାରତୀୟ ସଟଲର କମାଲ କରିଛନ୍ତି ଇଣ୍ଡୋନେସିଆ ଯୋଡି ବିରୋଧରେ । ଲଢେଇ କରିବା ସତ୍ତ୍ବେ ପରାଜୟ ହୋଇଛନ୍ତି ଭାରୀତୟ ଯୋଡି ।
ଏଠାରେ ଚାଲିଥିବା ଚାଇନା ଓପନ ସେମିଫାଇନାଲର ପୁରୁଷ ଡବଲ୍ସ ଇଭେଣ୍ଟରେ ଶାତ୍ତ୍ବିକସାଇରାଜ ରାଙ୍କିରେଡ୍ଡୀ ଓ ଚିରାଗ ସେଟ୍ଟୀଙ୍କ ଯୋଡି ଇଣ୍ଡୋନେସିଆର ମାର୍କସ ଫେରନାଲଡି ଗିଡେଓନ ଏବଂ କେଭିନ ସଞ୍ଜୟାଙ୍କ ଯୋଡିଠାରୁ ପରାସ୍ତ ହୋଇଛନ୍ତି ।
ଆଜି ମ୍ୟାଚରେ ଇଣ୍ଡୋନେସିଆର ଏହି ଡିଫେଣ୍ଡିଂ ଚମ୍ପିଆନ ଯୋଡି ଉପରେ ଭାରି ପଡିଥିଲା ଭାରତୀୟ ଯୋଡି । ମାନ୍ୟାତରେ 9ମ ସ୍ଥାନରେ ଥିବା ଏହି ଭାରତୀୟ ଯୋଡି ଦମଦାର ଲଡେଇ କରି ଇଣ୍ଡୋନେସିଆ ଯୋଡିଠାରୁ ସିଧାସଳଖ 16-21, 20-22ରେ ପରାସ୍ତ ହୋଇଛନ୍ତି।
ତେବେ ଏହି ପରାଜୟ ସହ ଚାଇନା ଓପନରେ ଭାରତର ଅଭିଯାନ ଶେଷ ହୋଇଛି । ତେବେ ଫ୍ରେଞ୍ଚ ଓପନ ଫାଇନାଲରେ ମଧ୍ୟ ଏହି ଭାରତୀୟ ଯୋଡିଙ୍କୁ ଇଣ୍ଡୋନେସିଆର ଏହି ନମ୍ବାର ୱାନ ଯୋଡି ପରାସ୍ତ କରିଥିଲେ ।
